நலம் இலேன் புன்சொல் - (அக்கல்வி கேள்வி) நலம் இல்லாத என்னுடைய
புன்மையான சொற்களிலுள்ள, துகள் அறுத்து - குற்றங்களைப் போக்கி,
ஆலவாய் உடைய நாயனார்க்கு - திருவாலவாயையுடைய சிவபிரானுக்கு,
இனிய ஆக்குப - இனியதாகச் செய்வர் எ - று.

     வாரி, நீருக்கு ஆகுபெயர். கார் ஆக்கியவென என்று பிரித்துக்
கூட்டப்பட்டது. கேள்வியர் - புலமையர் என்றுமாம். நாயனார் - தலைவர்.
(28)

     (இ - ள்.) அல்லையீது அல்லையீது என - இஃது
அல்லையாயிருக்கின்றாய் இஃது அல்லையாயிருக்கின்றாய் என்று,
மறைகளும் - வேதங்களும், அன்மைச் சொல்லினால் - எதிர்மறைச்
சொல்லினால், துதித்து இளைக்கும் - துதித்து மெலிவதற்குக் காரணமாயுள்ள,
இச்சுந்தரன் ஆடற்கு - இந்தச் சோமசுந்தரக் கடவுளின் திருவிளையாடலைக்
கூறுதற்று, என் உரை எல்லையாகுமோ - என்மொழி வரம்பு ஆகுமோ,
(ஆகாது எனினும்) இதனை சொல்லுவேன் எனும் ஆசை - இத்திரு
விளையாடலைக் கூறுவேன் என மனத்திலெழுந்த விருப்பம், என் சொல்வதி
கேளா - நான் கூறும் வழியைக் கேட்கின்றிலது, என் செய்கு - என்
செய்வேன் எ - று.

     ஈது எனச் சுட்டுப்பெயர் நீண்டது. அல்லை : முன்னிலையொருமை
எதிர்மறைக் குறிப்பு வினைமுற்று. உம்மை : உயர்வு சிறப்பு. இளைக்கு
மென்றார் காணலாகாமையால். இளைக்கும் என்னும் பெயரெச்சம் சுந்தரன்
என்னும் கருவிப்பெயர் கொண்டது. இகரச் சுட்டு உயர்வின் மேலது.
ஆடற்கு - ஆடலைக் கூறுதற்கு. ஆடற்கு உரை எல்லையாகுமோ என்றது,
ஆடல் என் உரை வரம்பில் அடங்காது என்றபடி. ஓ இரண்டனுள் முன்னது
வினா; பின்னது அசை நிலை. செய்கு : தன்மை யொருமை யெதிர்கால
வினைமுற்று. கேளாறு என்னும் துவ்வீறு தொக்கது. ஆசை மிகுதியாற்
சொல்லலுற்றேன் என்றார்.

     மறைகள் அன்மைச் சொல்லினாற் கூறி இளைத்தலை இவ்வாசிரியரே.

என, இப்புராணத்துள் பின்னரும் கூறுதல் காண்க. இவை நான்கு பாட்டும்
அவையடக்கம். அவையடக்கமாவது இன்னதென்பதனை,

     (பா - ம்.) * என்செய்கே னிதனைச் சொல்லுகேனெனு மாசை.