(இ - ள்.) பை உள பகுவாய் நாகப் பள்ளியோன் ஆதி வானோர்
- படத்தின் கண் உள்ள பிளந்த வாயையுடைய பாம்பாகிய படுக்கையை
யுடைய திருமால் முதலிய தேவர்கள், கையுள வலியால் அட்ட கடல் அமுது
அனைத்தும் - கைகளில் உள்ள வலிமையால் கடைந்த கடலில் தோன்றிய
அமுத மனைத்தையும், வாரி - அள்ளி, பொய் உளம் அகலக் கற்ற புனிதநூல்
புலவர் - அறியாமை உளத்தினின்றும் நீங்குமாறு தூய நூல்களைக்
கற்றுணர்ந்த புலவர்கள், நாவில் செய்யுளின் விளைவித்து ஊட்ட -
நாவன்மையாற் செய்யுளில் விளையச் செய்து உண்பிக்க, திருச்செவி தெவிட்ட
உண்டும் - (தமது) திருச்செவிகள் தேக்கிடுமாறு நுகர்ந்தும் எ - று.

     வாரி விளைத்தூட்ட எனக் கூட்டுக. பொய்ம்மை யொழிதலே
புலமைக்குச் சான்றென்பார் ‘ பொய்யுள மகலக்கற்ற புலவர்’ என்றார்.
விளைவித்தல் - ஒன்பான் சுகைவளையும் உண்டாக்கல். விளைவித்தென்பதற்
கேற்பச் செய்யுளின் என்பதற்குச் செய்யின்கண்ணே யெனப் பொருள்
தொனித்ாலுங் காண்க; இதற்கு நாவாகிய ஏரால் எனவும் விரிக்க.
அமிழ்தத்தை முழுதும் பெய்து வைத்தாற்போலச் சுவைமிக்குடைய
செய்யுட்கள் என்றார். (55)

     (இ - ள்.) தொல்லை நான்மறையோர் - பழைய நான்குமறைகளையுங்
கற்ற அந்தணர்களும், சைவர் துறந்தவர் யார்க்கும் - சைவர்களும்
துறவிகளும் ஆகிய அனைவருக்கும், இன்பம் புல்ல - மகிழ்ச்சி பொருந்த,
வான் அமுதும் கைப்ப - தேவாமுதமு கைக்குமாறு, பாக நூல் புலவர்
அட்ட -அடு நூல் வல்லவர் சமைத்த, முல்லை வால்முகையின் அன்ன
முரியா மூரல் - முல்லையினது வெள்ளிய அரும்பினை ஒத்த முரியாத
அன்னமும், அறுசுவை நல்ல ஊண் அருத்தி - அறுசுவை யமைந்த
கறிகளுமுதலிய நல்ல உணவுகளை உண்பித்து, அன்னார் நாவிருந்து
அமுதுசெய்து - அவர்களின் நாவால் வரும் புகழாகிய விருந்தினைத் தாம்
நுகர்ந்தும் எ - று.

     அட்ட மூரலும் சுவையுமுதலிய ஊண் என்றும், யார்க்கும் அருத்தி
என்றும் கூட்டுக. கைப்ப - கைப்பென்னுமாறு. பாக நூல் - பாக சாத்திரம்;
மடை நூல். முகையினன்ன மூரலும் அறுசுவையும் என வியையும். அறுசுவை
- கறி முதலியவற்றிற் காதலால் அடையடுத்த பண்பாகு பெயர். நாவிருந்து -
நாவாற் கூறும் புகழ் மொழியாகிய விருந்து. (56)