வேள்விகளையும், பல அறம் - பல அறங்களையும், ஆக்கம் செய்ய -
விருத்தி செய்தற்பொருட்டு, நல் நிதி அளித்தும் - நல்லபொருள்களைக்
கொடுத்தருளியும், வேள்வி நடாத்தியும் - தாம் வேள்விகளைச் செய்தருளியும்,
செல்வம் கல்வி - செல்வப் பொருளையும் கல்விப்பொருளையும், தன் இரு
கண்களாக - தம் இரண்டு விழிகளாகக் (கொண்டு), நாளும் தழைந்திட
வளர்க்கும் - நாடோறும் தழைத் தோங்கும்படி அவற்றை வளர்த்தும்
வருவார் எ - று.

     வேறு என்பதற்குப் பிரமசரிய முதலிய ஏனைய நிலைகள் எனப்
பொருள் கொள்வாருமுளர். ஆக்கஞ்செய்தல் - வளர்த்தல்; ஒருசொல்.
நாட்டிற்குச் செல்வமும் கல்வியும் இன்றியமையாதன வென்றார்;

என்னும் சிந்தாமணிச் செய்யுள் நினைக்கற் பாலது. வளர்க்கும் என்பதை
வளர்த்தும் வருவார் என விரிக்க. ‘இன்னிய மியம்பும்’ என்னுஞ் செய்யுள்
முதல் இதுகாறும் ஒரு தொடர். (59)

     (இ - ள்.) ஒப்பு உரு முதல் ஈறு இல்லா ஒருத்தி - ஒப்பும் வடிவமும்
முதலும் முடிவுமில்லாத சிவசத்தி, தன் சத்திபெற்ற - தன் சத்திகளாலே
பெறப்பட்ட, முப்பெருந் தேவராலே - மூன்று பெரிய தேவர்களாலே,
முத்தொழில் நடாத்தும் என்று செப்பலும் - மூன்று தொழிகளையும்
நடாத்தாநிற்கும் என்று கூறுதலும். புகழ் அன்று என்னில் - புகழன்று
என்றால், தென்னவன் கன்னியாகி - (அவள்) பாண்டியன் மகளாகி, இப்புவி
மனுவிற் காக்கும் என்பது என் பேதைமைத்தே - இந்நிலவுலகை
மனுமுறையால் ஆளும் என்று கூறுவது என் அறியாமையைக் காரணமாக
உடையதே எ - று.

     தன் சத்தியென்றது மகேசை முதலிய சக்திகளை. முப்பெருந் தேவர் -
அயன், அரி, அரன். காக்குமென்பது - காக்கு மென்பதை ஒரு புகழாகக்
கூறுவது. (60)

     (இ - ள்.) வரைசெய் பூண்முலைத் தடாதகை மடவரற் பிராட்டி -
மலையை ஒத்த அணிகளை அணிந்த கொங்கைகளையுடைய தடாதகை
என்னும் பெயருடைய மடவரலாகிய பிராட்டியார், விரைசெய் தார்
முடிவேய்ந்து - மணம் வீசுகின்ற மாலையணிந்த முடியினைத் தரித்து,