(இ - ள்.) யாழ் இயல் மொழியால் - யாழில் அமைந்த இசைப்
பாட்டால், இவ்வழிபாடி ஏத்தினாள் ஆக - இங்ஙனம் பாடித் துதிக்க, மெய்
உள்ளத்து ஆழிய அன்பின் வலைப்படு - உண்மையுடைய உள்ளத்தின் கண்
ஆழ்ந்த அன்பாகிய வலையில் அகப்படுகின்ற, கருணை அங்கயற்கண்
மடமான் - கருணையுடைய இளமானைப் போன்ற அங்கயற் கண்ணம்மை,
ஓர் - ஒரு, சூழியம் நுழை மெல் இளங்குழல் - கொண்டை யணி பொருந்திய
மெத்தென்ற சிறிய கூந்தரையும், குதலை - மழலைச் சொல்லையும், தொண்டை
வாய் - கொவ்வைக் கனிபோன்ற வாயினையும் உடைய, மூன்று அகவை
எய்தி - மூன்று ஆண்டினைப் பொருந்தி, வாழ் இளங் குழவியாகி -
விளங்குகின்ற இளமையாகிய பெண்மகவாகி, வரம் கொடுப்பாள் ஆலயத்து
வந்து நின்றாள் - (விச்சாவதி வேண்டிய) வரத்தை யளித்தற் பொருட்டுத்
திருக்கோயிலின்கண் வந்து நின்றருளினாள் எ - று.

     மொழி : பாட்டிற்கு ஆகு பெயர். ஏத்தினாள் என்னும் வினைமுற்றுடன்
ஆக என்னும் இடைச்சொற் சேர்ந்து எச்சப்படுத்தது. ஆழிய - ஆழமாகிய :
பெயரெச்சம். வலைப்படு என்றதற் கேற்க மான் எனக் கூறிய நயம்
பாரட்டற்பாலது, ஓர் குழவியாகி யென்க. சூழியம் - குழற்சூட்டு.
வாயினையுமுடைய குழவி, எய்திவாழ் இளங்குழவி எனத் தனித்தனி கூட்டுக.
கொடுப்பாள் - கொடுக்க : எச்சம். நின்றாள் என்பதனை யெச்சமாகக்கலும்
ஒன்று. (79)

     (இ - ள்.) இறைஞ்சி அஞ்சலித்தாள் தன்னை - வணங்கிக் கை
குவித்து நிற்கும் விச்சாவதியை (நோக்கி), எம் அன்னை - எம் திருத்
தாயாகிய மீனாட்சியம்மை, யாது வேண்டினை என - நீ எதனை விரும்பினாய்
என்று கேட்க, நின் அடிப் போதில் நிறைந்த பேர் அன்பு என்றும் நீங்கலா
நிலைமை தந்தருள் என்று அறைந்தனள் - நினது திருவடி மலரின்கண்ள
நிறைந்த பேரன்பானது எப்பொழுதும் நீங்காத நிலைமையினைத் தந்தருள
வேண்டுமென்று வேண்டினள்; இன்னும் வேண்டுவது ஏது என்று அருள -
இன்னும் நீ விரும்பியது யாது என்று வினவி யருள, இம்மகவு உருவாகி -
இக்காட்சி தந்த குழந்தை யுருவாய்,