ஆயத்தாா - மகளிருள் மெய்க்காவலராயினார். ஆயத்தாருட் சிலர்
கணையினரும், சிலர் தாங்கிய கையரும், சிலர் தளிர்க் கையருமாகி உடன்
ஏறினாரென்க. கச்சினர் என்பதனை யெல்லாவற்றொடும் ஒட்டுக. வட்டத்
தோல் - பரிசை; கேடகம். பிணாத்தெய்வம் - பெண் தெய்வம்; அழகு
மிக்கவரென்க; கொற்றவை போன்று வெற்றி மிக்காரென்றுமாம். (8)

     (இ - ள்.) சாரி சுற்றுவ பொன்திண் தேர்கள் - இடசாரி வலசாரி
யாகச் சுழலும் பொன்னாலாகிய திண்ணிய தேர்கள், கிடைப்பனஉருளால் -
பூண்டனவாய உருளைகளால். பாரைக் கீண்டு பாதலத்தின் எல்லை
அடைப்பன - நிலவுலகத்தைக் கிழத்துப் பாதலத்தின் எல்லையை
அடைப்பனவும். பரந்த தட்டால் - இடம் விரிந்த தட்டினால், வான் திசைகள்
எட்டும் அடைய உடைப்பன - பெரிய திக்குகள் எட்டினையும் முற்றும்
தகர்ப்பனவும், கொடியால் அண்டம் முட்டி ஒற்றிவான் கங்கை நீரைத்
துடைப்பன - கொடிகளால் அண்டத்தைப் பெரிது மளாவி வான் யாற்றின்
நீரை வற்றச்செய்வனவுமாயின எ - று.

     கிடைப்பன, கூற்றுவ முற்றெச்சங்கள். கீண்டு, கீழ்ந்து என்பதன் மரூஉ.
முட்டி, ஒற்றி யென்பன ஒரு பொருளன; அண்டத்தை முட்டி நீரை ஒற்றி
யென்றுமாம். தட்டால் அடைப்பன, முட்டி உடைப்பன, ஒற்றித் துடைப்பன
என வியைத்தலுமாம். (9)

     (இ - ள்.) பரூஉஙப பெருந் தடக்கை யானை - பருத்தலையுடைய
பெரிய கைகளையுடைய யானைகள், அருவி மா மதநீர் கால - அருவி
போலப் பெரிய மதநீர் பொழிய, அரத்தம் குருதி வெம் கோட்டால் - சிவந்த
உதிரந்தோய்ந்த கொடிய கொம்புகளால், கருவி வான் பயிறு கண்டு -
தொகுதியுடைய முகிலின் வயிற்றைக் கிழித்து, கவிழும் நீர் வாய் அங்காந்து
பருகி - (அதனால்) ஒழுகும் நீரை வாயைத் திறந்து உண்டு, செருவில் மா
தண்டம் தாங்கிச் செல்லும் வெம் கூற்றம் என்ன - போரில் பெரிய
தண்டினை ஏந்திச் செல்லுகின்ற கொடிய கூற்றுவனைப் போலவும், மால்
வரை போல் - பெரிய மலையைப் போலவும், செல்வ - செல்வன வாயின
எ - று.

     குருதிக் கோட்டுடன் கூடிய கொடுந் தோற்றத்தால் கூற்றம் போலவும்,
மதப் பெருக்குடன் கூடிய உயர்ந்த தோற்றத்தால் மலை போலவும்