யானைகள் பொலிந்தன வென்றார். அரத்தம் - ஈண்டுச் செந்நிறம். கருவி :
மின் முதலியவற்றின் தொகுதி. செல்வ : அன்பெறாத பலவின்பால் முற்று.
பரூஉ - பருத்தல்;

என்னும் தொல்காப்பியச் சூத்திரத்து ஒன்றென முடித்தலால் ரகர வுகரம்
நீண்டு உகரம் பெற்றதெனக் கொள்க. வரைபோற் செல்வ என்றது
இல்பொருளுவமையணி. (10)

     (இ - ள்.) கலிய நீர் ஞாலம் காப்பான் - ஒலியினையுடைய கடல்
சூழ்ந்த வுலகைக் காக்கும் பொருட்டு, கடையுகம் முடிவில் தோற்றம்
பொலியும் - கலியுக இறுதியில் தோன்றும், வாம் புரவி ஒன்றே போல்வன
புரவி வெள்ளம் - தாவுகின்ற குதிரை ஒன்றையே ஒத்தனவாய குதிரைக்
கூட்டங்கள், ஒலிய வார் திரையின் அன்ன ஒழுங்கின - ஒலியினையுடைய
நண்ட அலைகளை யொத்த ஒழுங்கினையுடையனவும், யோகமாக்கள் வலிய
கால் அடக்கிச் செல்லும் மனம் என - யோகிகள் வலியகாற்றை அடக்கி
(ஒருவழிபடச்) செலுத்தச் செல்லும் மனம் போல, கதியில் செல்வ - (பாகர்
தம் வசப்படுத்திச் செலுத்த ஒரு வழிப்பட்டு) விரைவிற் செல்வனவுமாயின
எ - று.

     ஒலிய, கலிய என்பவற்றில் அ : அசை. திரையின், இன் : சாரியை.
கால் - காற்று; பிராணவாயு. கால் அடக்கல் - பிராணாயாமம் செய்தல்.
செலுத்த வென ஒரு சொல் வருவிக்கப்பட்டது. கதியிற் செல்லுதல் -
நடத்தப்படு நெறியில் விரைந்து செல்லுதல். ஞாலங் காத்தல் - உலகைத்
தீமையி னீக்கிக் காத்தல். திருமாலின் கடைசியவ தாரமாகிய குதிரை; கற்கி.(11)

     (இ - ள்.) வியா வென்றி வீக்கிய கழல் கால் வீரர் - கெடாத
வெற்றியினையும் கட்டப்பட்ட வீரகண்டையையுடைய காலினையு முடைய
வீரஙாகள், கடுங்கண் கூற்றம் மேலினும் மிகை உண்டாயின் -
தறுகண்மையையுடைய கூற்றுவன்மேலும் குற்றம் உளதாயின், வெகுண்டு
வென் கண்டு ளும் பாலினர் - சினந்து புறங்கண்டு வருந்
தன்மையையுடையவரும், பகுவாய் நாகப் பல்லினும் பில்கும் ஆல வேலினர்
- பிளந்த வாயினையுடைய பாம்பின் பல்லைவிடச் சிந்தும் நஞ்சினையுடைய
வேற்படையையுடையவரும், காலினும் கடிது செல்லும் செலவினர் - காற்றினும்
விரைந்து செல்லும் செலவினையு முடையராயினர் எ - று.