பாய்மான் - குதிரை. செலவு - செல்கை. அடைகளால் கார் யானையை
யுணர்த்திற்று. கனை - செறிவு. வல்திண் : ஒருபொருட் பன் மொழி. பெருத்த
: பண்படியாகப் பிறந்த அன்பெறாத பலவின்பால் வினைமுற்று. (14)

     (இ - ள்.) பரந்து எழு பூமி போர்ப்ப - (இவற்றால்) பரவி மேலெழுந்த
புழுதி மறைத்தலால், பகலவன் மறைந்து முந்நீர் கரந்தவன் போன்றான் ஆக
- சூரியன் மறைந்து கடலில் ஒளித்தவன் போலாக, கங்குல் வந்து இறுத்தது
ஏய்ப்ப - (அதனால்) இரவு வந்து தங்கியதை ஒக்க, சுரந்து இருள் நிறைய -
மிகுந்து இருளானது நிறைய, சோதிமுத்தின் குடையும் - ஒளியினையுடைய
முத்துக் குடைகளும், வேந்தர் பூண் நிரந்த வயிரவாளும் - மன்னர்களின்
பூண் அமைந்தவயிரத்தாற் செய்த வாட் படைகளும், நிறை நிலா எறிக்கும் -
(அவ்விருளைப் போக்க) மிக்க நிலவை வீசும் எ - று.

     பூழி - புழுதி. முந்நீர் - மூன்று நீர்மையுடையதென்றும், மூன்று
நீரினையுடையதென்றும் கூறுப : முன் உரைத்தாம். இறுத்தது - தங்கினமை :
தொழிற் பெயர். அணிகலன்களும் வாளும் என்னலுமாம். மன்னும், ஓவும்
அசை நிலைகள். (15)

     (இ - ள்.) தேர் நிரை கலனாய்ச் செல்ல - தேரின வரிசைகள்
மரக்கலங்களாய்ச் செல்லவும், பரி நிரை திசையாய்த் துள்ள - குதிரையின்
வரிசைகள் அலைகளாய்த் துள்ளவும்; வார் முரசு ஒலியாக் கல்ல - வார்க்
கட்டினையுடைய முரசின் ஒலி கடலொலியாய் ஒலிக்கவும், வாள் கலன்
மீனாய்க் கொட்ப - வாட்படைகள் மீனாய்ச் சுழன்று விளங்கவும், தார் நீரை
கவரிக்காடு - (வெண்மலர்) மாலை வரிசைபோன்ற சாமரைக் காடு,
நுரைகளாய்த்ததும்ப - நுரைகளாய் மேலெழவும், வேழம் நிரைகார் ஆக -
யானையின் வரிகைகள் (கடலினீ ருண்ணவரும்) முகில்களாகவும், தானைக்
கடல் வழிக்கொண்டது - (இவ்வாறு) சேனைக்கடலானது வழி நடந்தது எ-று.

     முரசு : அதஙன ஒலிக்கு ஆகுபெயர் : கல்ல - ஒலிக்க : கலிக்க
என்பதன் விகாரம்; கலி : பகுதி; கல்லென என்பதன் விகாரமுமாம். அவயவ
அவயவிகள் முழுதும் உருவகஞ் செய்யப்பட்டமையால் இது முற்றுருவகவணி. (16)