உம்பரானும் என்க. உம்பரார் - தேவர்; உம்பர் - மேலிடம். அரிது
பண்பு மாத்திரையாய் நின்றது; பாதமேன்னும் ஒருமைபற்றி அரிதெனக்
கூறினா ரெனலுமாம். கொற்றவேனம் தேடிக் கிடையா னென்ற கருத்தினை.

என்னும் திருவாசகத்தா லறிக. முதற்குரு நாதனாகலின் ‘எந்தை’ என்றார்.
(29)

     (இ - ள்.) வென்றிக் கணத்தை விடுத்தான் - (அவ்வாறு உணர்ந்த
நந்தி தேவர்) வெற்றி பொருந்திய பூதகணங்களை ஏவினார்; கனம் மீது
பெய்த - (அவை) முகிலிற் பெய்துவைத்த, குன்றிக் கணம்போல் -
குன்றிமணிக் கூட்டம்போல, சுழல்கண் - சுழலுங் கண்களினின்றும், அழல்
கொப்பளிப்ப - தீயானது சிந்த, சென்று - போய், இக்கு அனைய மொழியால்
- கரும்பின் சாற்றையொத்த இனிய மொழிகளையுடைய பிராட்டியாரின்,
பெருஞ் சேனையோடும் ஒன்றி - பெரிய படைகளோடு கலந்து போர்
புரிதலால் (அச்செயல்), கடலும் கடலும் பொருதது ஒத்தது - கடலுங் கடலும்
தம்முட் போர்செய்தலை ஒத்தது எ - று.

     மேகங்கள் பூதகணங்கட்கும். குன்றிமணிகள் அவற்றின் சுழலும்
கண்கட்கும் உவமை. இக்கு - கரும்பு; அதன் சாற்றிற்காயிற்று. ஒன்றிப்
போர்புரிய அது என விரித்தக்கொள்க. பொருதது என்பது பொருது என
விகார மாயிற்று; பொருதது : தொழிற்பெயர். அன்றும் ஏயும் அசைகள். (30)

     (பா - ம்.) * கனன்மீது