(இ - ள்.) சூலங்கள் - சூலப்படைகளையும், மழுப்படை - மழுவாட்
படைகளையும், தோமரம் - பெரிய ஈட்டிகளையும், நேமி - திகிரிப்
படைகளையும், பிண்டி பாலங்கள் - எறிபடைகளையும், கழுக்கடை - சிறிய
ஈட்டிகளையும், வாட்படை - வாட்படைகளையும், தண்டம் - தண்டங்களையும், நாஞ்சில் - கலப்பைகளையும், ஆலம் கவிழ்க்கின்ற அயில் படை -
நஞ்சினைக் கொட்டுகின்ற வேற்படைகளையும், களமர் வீசி ஆர்ப்பு -
வீரர்கள் (ஒருவர்மேல் ஒருவர்) வீசி ஆரவாரிக்கும் ஆரவாரங்கள்,
ஊழிக்காலம் கலிக்கும் கடல்போன்ற - ஊழிக்காலத்தில் ஒலிக்கும் கடலின்
ஒலிகளை ஒத்தன எ - று.

     கடல் அதன் ஒலிக்காயிற்று. போன்றவெனப் பன்மையாற்
கூறினமையால் ஆர்ப்புகள் என்க. போன்றது என்பதன் துவ்வீறு கெட்டது
என்னலுமாம். (31)

     (இ - ள்.) எறிகின்ற - எறியப்படுவனவும், ஓச்சுவ - ஓச்சப்படுவனவும்,
எய்வன - எய்யப்படுவனவும், ஆதி ஆகச் செறிகின்ற - முதலாகப்
பொருந்திய, பல்படை - பலபடைகளும், செந்நிறப் புண்நீர் மூழ்கி - சிவந்த
நிறத்தினையுடைய உதிர நீரில் முழுகி, பறிக்கின்றனவும் - கழன்றோடுவனவும்,
பிழைக்கின்றனவும் - உடம் பிலே தாக்காது தவறிப்போவனவும், பட்டுத்தாக்கி
முறிகின்றனவும் - உடம்பிலே பட்டுத் தாக்குதலால் முறிவனவுமாய், முயன்றார்
வினைப் போகம் ஒத்த - முயன்று செய்தவர்களின் இருவினைக் கீடாகவரும்
போகங்களை ஒத்தன எ - று.

     எறிகின்றன - வேல் முதலியன : ஓச்சுவ - தண்டம் முதலியன; எய்வன
- அம்பு முதலியன; ஆதியென்றமையால் வெட்டுவனவாகிய வாள் முதலியன
கொள்க. எறிகின்றன முதலியன வினையாலணையும் பெயர்கள் :
படுசொற்றொக்கு நின்றன. செறிகின்றன : பெயரெச்சமுற்று. புண்ணீர் மூழ்கி,
என்றமையால் உடம்பிற்றைத்து எனக் கொள்க. போகங்கள் பொருந்துதலும்
பொருந்தாமையும் ஒருகாற் பொருந்தி யொருகாற் பொருந்தாமையு மாகி
வேறுபாடுடைமை போல இவைகளும் படுதலும் படாமையும் பட்டு
அழிவெய்துதலும் ஆகிய வேறுபாடுடையன வென்க. ஆகி என விரிக்க :
ஓச்சுவ. ஒத்த என்பவற்றில் அன் சாரியை தொக்குநின்றது. (32)

     (இ - ள்.) தெசிரிக்க வந்த சில தேவர் - கண்டு வணங்குதற்கு வந்த
திருமால் முதலிய சில தேவர்களின், சிறைப்புள்ஊத்தி - கலுழன்
முதலியசிறைகளையுடைய பறவையூர்திகள், வெருவிப்பறந்த - அஞ்சிப்