பறந்தன; ஒழிந்தோர் விலங்கு ஊர்தி - மற்றைத் தேவர்களின்
விலங்கூர்திகளும், மானம் - விமானங்களும், கருவிப் படையால் சிதை
பட்டன - படைக் கலங்களினால் அழிந்தன; கொற்றவை உண்டது என்ன -
காளியினால் உயிருண்ணப்பட்ட அசுரனாகிய கடாவானது ஒழுக்கியது போல,
காலன் ஊர்தி - கூற்றுவன் ஊர்தியாகிய எருமைக் கடா, குருதிப் புணல்
உக்கது - குருதி நீரைக் கக்கியது எ - று.

     இறைவனைத் தரிசிக்க வந்தவென்க; போரினைக் காணவந்த எனலுமாம்.
விலங்கு - ஐராவதம் முதலியன. மானம் - விமானம். கருவிாகிய படை;
படைக்கலம். கொற்றவை யுண்டதென்றது மகிடாசுரனை,

என்றும்,

என்றும் சிலப்பதிகாரத்து வேட்டுவ வரியுள் வருதல் காண்க. கடா
வென்பதுபற்றி உண்டதென அஃறிணையாற் கூறினார். பறந்த, உண்டது
என்பவற்றிற்கு மேல் உரைத்தாங் குரைக்க. (33)

     (இ - ள்.) போகம் வீடு தருகின்றவனைத் தொழ - போகத்தையும்
வீடுபேற்றையும் அளிக்கின்ற இறைவனை வணங்க, வான்நெறி சார்ந்து -
வானின் வழியைப் பொருந்தி, நேரே வருகின்றவர் விச்சாதரர் - நேரே
வருன்றவர்களாகிய வித்தியாதரர்கள், பொருகின்றது கண்டு - போர்
செய்தலைக் கண்டு, ஊற்றம் அஞ்சா - (தமக்கு வரும்) இடையூற்றிற்கு அஞ்சி,
அன்புக்கு உருகு இன் தளிர் மென் அடியாரொடு - அன்பினால் உருகுகின்ற
இனிய தளிர்போலும் மெல்லிய அடிகளையுடைய மாதராருடன், வேறு
வழிக்கொடு போவர் - வேறு வழியால் திருக்கைலைக்குச் செல்வார்கள்
எ - று.

     பொருகின்றது : தொழிற் பெயர். வருகின்றவராகிய விச்சாதரர் எனக்
கூட்டுக : அன்புக்கு - அன்பால். ஊற்றம் ஊறு; அம் : பகுதிப் பொருள்
விகுதி. (34)

     (இ - ள்.) திங்கள் படை - சந்திரக் கணைக்கு, செம் கதிரோன் படை
- சூரியக் கணையையும், சீற்றம்ஏற்ற அங்கிப் படை - சினத்தைப்