(அவை), பொய்யில் படுநெஞ்சு உடையார் தவம்போல மாய - பொய்யிற்
றலைப்பட்ட உள்ளத்தை யுடையவர்கள் செய்யும் தவம் அழிவதுபோல
அழிய, வீரக் கன்னி - வீரத்தையுடைய கன்னியாகிய தடாதகைப்
பிராட்டியார், நெய்யில் படு வச்சிரபேலை நிமிர்த்து வீசி - நெய் பூசிய
வச்சிரப்படையை ஓங்கி வீசி எ - று.

     கற்களே படையாக, தொட்டு என்பது ஈண்டு எடுத்து என்னும்
பொருளது. படுகென்று, அகரம் தொக்கது. பொய்யொன்றுடைய ராயின்
அவர் செய்யுந் தவமெல்லாம் பொன்றக்கெடு மென்றார். (37)

     (இ - ள்.) துண்டம் பட துணித்து - துண்டு துண்டாக (அவற்றைத்)
துணித்து, அ கணவிரர்த தம்மைத் தண்டம் கொடு தாக்கினன் - அந்தக்
கணவீரர்களைத் தண்டப்படையா லடித்தார்; அவர் சாம்பிச் சாய்ந்துபோனார்
- அவர்கள் வலியிழந்து புறங்கொடுத்து ஓடினர்; அண்டங்கள் சராசரம்
யாவையும் - அண்டங்களையும் (அவற்றிலுள்ள) சராசரங்கள் அனைத்தையும்,
தாமே ஆக்கிக் கொண்டு - தாமே தோற்றுவித்து, எங்கும் நின்றாள் வலி -
அவை யெல்லாவற்றுள்ளும் கலந்து நின்ற பராசத்தியினது வலிமை, கூற
வரம்புற்று ஆமோ - கூறுதற்கு ஓரளவினை உடையதாகுமோ (ஆகாது) எ-று.

     சாய்ந்து - சரிந்து; புறங்கொடுத்து. சாம்பி - கூம்பி; சோர்வுற்று.
கொண்டு : இசை நிறைக்க வந்தது; உடைமையாகக்கொண்டு என்றுமாம். கூற
- கூறின், ஓகாரம் : எதிர்மறை. (38)

     (இ - ள்.) படை அற்று - படைக்கலங்கள் அழிந்தும், விமானமும்
பற்று அற அற்று - ஊர்திகளும் சிறிதுமின்றி அழிந்தும், சுற்றும் தொடை
அற்று - அணிந்த மாலைகள் அழிந்தும். இகல் மூண்டு எழு தோள்வலி
அற்று - போரின்கண் மிக்கெழுகின்ற தோள்வலி அழிந்தும், சேற்றம் இடை
அற்று - சினம் இடையில் அழிந்தும், வீரநகை அற்று - வீரச் சிரிப்பு
அழிந்தும், அடல் ஏறு போலும் நடை அற்று - வலிமை பொருந்திய ஆண்
சிங்கம் போலும் நடை அழிந்தும், அடைவார் நிலை - வருகின்ற வீரர்களின்
நிலைமையை, நந்தி அண்ணல் கண்டனன் - திரு நந்தி தேவர்
பார்த்தருளினார் எ - று.

     விமானமும் : உம்மை உயர்வு சிறப்பு. பற்றற - ஒழிவில்லையாக;
முழுதும். செற்றம் அவர்கட்டு இயற்கை யென்பார் ‘இடையற்று; என்றார்.
பெருமித முடையானுக்கு ஏறு நடையாலுவமம்;