(இ - ள்.) வஞ்சியர் - வஞ்சிக் கொடிபோலும் மகளிர்கள், வேல் விழி
அஞ்சனம் தீட்டுவார் - வேல் போன்ற கண்களுக்கு மை எழுது வார்கள்;
ஆடவர் மார்பிடை நாட்டுவார் - (அவற்றை) ஆடவர்களின் மார்பிலே
ஊன்றுவார்கள்; பாதம் பஞ்சுகள் இருத்துவார் - அடிகளில் செம்பஞ்சுக்
குழம்பை இடுவார்கள்; மீது பரிபுரம் திருத்துவார் - அவ்வடிகளின்மேல்
சிலம்பைத் திருந்த அணிவார்கள்; அதறல் அருந்து வார் - மதுவினைக்
குடிப்பார்கள்; மருங்குல் தள்ளாட வருந்துவார் - (அம் மயக்கத்தால்)
இடைதள்ளாட (நடந்து) வருந்துவார்கள்; கொஞ்சிய கனிமொழி கழறுவார் -
(நாயகர்) பாராட்டச் சுவை முதிர்நத் மொழிகளைக் கூறுவார்கள்; குழுவொடு
குரவைகள் குழறுவார் - மகளிர் கூட்டத்தோடு குரவைப் பாட்டினைக் குழறிப்
பாடுவார்கள் எ - று.

     தீட்டுவார், இருத்துவார், அருந்துவார் என்பவற்றை எச்சமாக்கலுமாம்.
தள்ளாட என்பது விகாரமாயிற்று. கொஞ்சிய : செய்யிய வென்னும் வினை
யெச்சம்; கொஞ்சுதலையுடைய வெனப் பெயரெச்சமுமாம். குரவை -
கைகோத்தாடுங் கூத்து; இது காமமும் வென்றியும் பொருளாக வரும்;

என்பது காண்க. நான்கடியிலும் மூன்றாஞ் சீரும் ஆறாஞ் சீரும் இயை
புடையவாய்த் திகழ்கின்றன. (56)

     (இ - ள்.) விறலியர் - பாண்மகளிர், கிளை கெழு பாணொடு -
சுற்றமாகிய பாணரோடு, கின்னர மிதுனம் எனச் செல்வார் - யாழேந்திய
மிதுனராசியைப்போலச் சென்று, கன்னியர் அரசை வணங்குவார் -
மங்கையர்க் கரசியான பிராட்டியாரை வணங்குவார்கள், கடிமணம் எய்து
களிப்பினால் - திருமணம் நிகழும் மகிழ்ச்சியால், இன் இசை யாழொடு
பாடுவார் - இனிய இசைப்பாட்டினை யாழொடு (வேறுபடாமல்) பாடுவார்கள்;
ஈந்தன துகில் விரித்த ஏந்துவார் - (அவர்) கொடுக்கும் பொருள்களை
ஆடையை விரித்து வாங்குவார்கள்; சென்னியின் மீது கொண்டு ஆடுவார் -
அவற்றை முடியின்மேற் கொண்டு ஆடுவார்கள்; தேறலை உண்டு
செருக்குவார் - மதுவை உண்டு களிப்பார்கள் எ - று.