(இ - ள்.) கங்கையும் - கங்கை நீரும், வாணியும் - வாணி நீரும்,
யமுனையும் - யமுனைநீரும், காவிரியும் - காவிரி நீரும், பலதுறை தொறும்
- பல துறைகளிலுமிருந்து, அம் கனகம்செய் தசும்பின - அழகிய பொன்னாற்
செய்த குடத்தில் நிறைக்கப்பெற்றனவாய், ஆடை பொதிந்தன - துகிலாற்
போர்க்கப் பெற்றனவாய், தோடு அவிழ் தொங்கல் வளைந்தன - இதாகள்
விரிந்த மாலைகளால் வளைந்தணியப்பட்டனவாய், மங்கையர் துள்ளிய
கவரியின் உள்ளன - மகளிர் வீசும் சாமரையினுள் அடங்கியனவாய், மதமலை
மேலன - மதத்தையுடைய மலைபோன்ற யானையின் மத்தகத்திலுள்ளனவாய்,
மங்கலதூரியம் ஆர்ப்பன வருவன - மங்கல இயங்கள் ஒலிக்கப்பெற்றனவாய்
வாரா நிற்பன எ - று.

     தசும்பின முதலியன முற்றெச்சங்கள். துள்ளுமாறு வீசிய என்பதனைத்
துள்ளிய என்றார் வாணி - சரச்சுவதி. யமுனை - காளிந்தி. துறை - தீர்த்தக்
கட்டம். துறைதொறு மிருந்து என விரிக்க. (59)

     (இ - ள்.) அங்கவர் - அந்நகரத்தவர், மனைதொறும் மனவினை
அணுகிய துழனியர் என - (தத்தம்) வீடுகள் தோறும் மணச்செயல்கள் வந்த
ஆரவாரத்தை யுடையார் போன்று, மறைப்புங்கவர் இனிது உண - வேத
உணர்ச்சியையுடைய தூய மறையவர்கள் இனிதாக அருந்துமாறு, அறுசுவைப்
போனகம் அடுவினை புரிகுவார் - அறுவகைச் சுவையினையுடைய
உண்டிகளைச் சமைப்பார்கள்; அடிகளுக்கு பலி இங்கு அடுவன என -
தேவரீருக்குத் திரு அமுதுகள் இங்கே சமைக்கப்படுவன என்று, யதிகளை
எதிர் பணிகுவார் - துறவிகளை எதிர் சென்று வணங்குவார்கள்; சங்கரன்
அடியரை எதிர் கொள்வார் - சிவனடியார்களை எதிர்கொண்டு, சபரியை
விதிமுறை புரிகுவார் - பூசனையை விதிப்படி செய்வார்கள் எ - று.

     அணுகினமையாலான துழனியரென வென்க. அடுவினை புரிகுவார்,
அடுதலாகிய வினையைப் புரிகுவார் என விரியும். பலி - பிச்சை;
துறந்தோர்க்கிடுவது. யதி - துறவி. சபரியை - பூசை. (60)

     (இ - ள்.) இன்னணம் நகர் செயல் அணி செய - இவ்வாறு
அப்பதியைச் செயற்கை யழகு செய்யாநிற்க. மணமகன் இணை - இலி -