எனக் கூறியிருத்தலுங் காண்க. நிள்வில் - மிக்க ஒளி. சீவற்சம் - திருமகள்
வடிவாகிய பாவை. சுவத்திகம் - மண்டப வடிவாகியது, இங்கே கூறிய
மங்கலம் எட்டனுள் விடை, சீவற்சம், வலம்புரி, சுவத்திகம் என்பவற்றை
விலக்கி, தோட்டி, முரசு, கொடி, இணைக்கயல் என்பன கூட்டி எட்டெனக்
கொள்ளுதலும் உண்டு; மங்கலம் பதினாறெனலு முண்டாகையால்
இவையெல்லாம் மங்கலமே யாமென்க; பெருங்கதையில்,

எனப் பதினாறு மங்கலம் கூறப்பட்டிருத்தல் காண்க. (67)

     (இ - ள்.) மணம் கொள் சாந்தொடு - மணங்கொண்ட சந்தனத்தோடு,
குங்குமப்போது மான் மதம் அளாய் - குங்குமப்பூவையும் மிருக மதத்தையுங்
கலந்து, பனிநீர் தோய்த்து இணங்கு சேறு செய்து - பனி நீரிற் கரைத்து
ஒன்றுபட்ட குழம்பு ஆக்கி, இருநிலம் தடவி - அதனால் பெரிய நிலத்தை
மெழுகி, வான் இரவி மண்டலம் நாண - வானின்கண் உள்ள சூரிய
மண்டலமும், நாணுமாறு, பணம் கொள்நாகம் மாமணி விளக்கு -
படத்தைக்கொண்ட பாம்புகளின் பெரிய மணிகளாகிய விளக்குகளை, இரு
கையும் பாவைகள் எடுத்து ஏந்தா நிற்க, கணம் கொள் தாரகை என -
கூட்டங் கொண்ட உடுக்களைப்போல, நவமணி குயில் கம்பலம் விதானித்தார்
- ஒன்பது வகை மணிகளும் இடை யிடை கோவையாக அமைத்த
கம்பலங்களை மேலே விரித்துக் கட்டினார்கள் எ - று.

     இருகையும் - இரண்டு கரங்களிலும், இரண்டு புறங்களிலும். குயிற்றிய
எனற்பாலது குயில் எனத் தன்வினைப் பகுதியாய் நின்றது. குயிற்றுதல் -
ஈண்டுக் கோவையாக அமைத்தல். விதானித்தார்; விதானம் என்னும்
பெயரடியாக வந்தது. (68)