வேண்டுவ - நினைத்து இரந்து கேட்பனவாய, பற்பலவும் - பல பல
பொருள்களையும், சிந்தாமணி தரத்தர - சிந்தாமணி தந்துகொண்டிருக்கவும்,
இந்திரன் நகர் நாண ஈட்டினார் - இந்திரனுலகமும் நாணுமாறு (அவற்றை
வாங்கித்) தொகுத்தார்கள் எ - று.

     பொலம் - பொன்;

என்பது தொல்காப்பியம் பொலந்துகில் - பீதாம்பரம். தெய்வ வான்பரந்த
சுரந்து பயப்ப வென்க. ஐவகை யுணவு - உண்பன, தின்பன, நக்குவன,
பருகுவனவோடு உறிஞ்சுவன என்பர்; ஐவகை அமுதம் என இயைத்தலுமாம்.
பரந்த : வினையாலணையும் பெயர். சிந்தாமணி - சிந்தித்தவற்றைத் தருமணி
எனக் காரணக்குறி. இரந்து என்றது பொதுவகையாற் கூறியது. (72)

     (இ - ள்.) தென்னர் சேகரன் திருமகள் - பாண்டியர்களின் முடி
போல்பவனாகிய மலயத்துவச பாண்டியன் திருப்புதல்வியாரின் திருமணத்
திருமுகம் - திருமணங் குறித்த ஓலையை, வரவேற்று - வரவேற்பாராய்,
மன்னர் எதிர் வந்து - மன்னர்கள் எதிர்கொண்டு வந்து, தொழுது -
வணங்கி, கைக்கொண்டு - கையில் வாங்கி, தம் மணிமுடி மிசை ஏற்றி -
தம்முடைய மணிகள் அழுத்திய முடியின்மேல் ஏற்றி, அன்ன வாசகம்
கேட்டனர் - அத்திருமுகச் செய்தியைக் கேட்டு, கொணர்ந்தவர்க்கு -
கொண்டு வந்தவர்களுக்கு, அருங்கலம் துகில் நல்கி - அரிய அணிகளும்
ஆடைகளும் அளித்து, முன்னர் ஈர்த்து எழு களிப்பு உற - முன் இழுத்துச்
செல்லும் களிப்பு மிக, மனத்தினும் முந்தினர் வழிச் செல்வார் - மனத்தினும்
விரைந்து வழிக்கொண்டு செல்வார்கள் எ - று.

     வரவேற்றல் - வருகையை உவகையுடன் தழுவுதல்; ஏற்று - ஏற்பாராய்;
ஏற்கத்தொடங்கி யென்பது கருத்து. வரவினை மன்னர் வந்து எதிர் ஏற்று
எனப் பிரித்தியைப்பாரு முளர். கேட்டல் - திருமுகம் வாசிப்பார் வாசிக்கக்
கேட்டல். திருமுக வாசகத்தைத் தூதர்கள் வாயாற் சொல்லக் கேட்டலுமாம்.
கேட்டனர், முந்தினர் : முற்றெச்சங்கள். (73)