எனவருஞ் செய்யுளாலுமறிக. அவற்றைக் காப்போர் - பிரளய காலாக்
கினியும், பிரளயகாலத்துச் சூரியனும்போன்று திருவுருவமும் கறுத்த முகமும்
மழுவேந்திய கையுமுடைய கூர்மாண்ட தேவநாயனாரைப் புடை சூழ்ந்து
அவரைத் துதித்து அவரைப்போலும் உருவாய்ந்த அனேக உருத்திரர்கள்;
கூர்மாண்ட தேவநாயனார் அந் நிரயங்களின் மேற்பாகமாகிய கனக பூமியில்
அந்நகரங்களுக்கும் அவற்றைக் காப்போருக்கும் அதிபராயுள்ளவர்;
இவற்றை - இயலில்.

எனவருஞ் செய்யுளானுமுணர்க. சதவுருத்திரராவார் - மந்திரம், பதம்,
வன்னம், புவனம், தத்துவம் கலை ஆகிய ஆறத்துவாக்களில் முறையாய்
அமர்ந்துள்ளவர். ஈரைம்பது கோடி யுருத்திரர்கள் பிரமாண்ட தர
உருத்திரர்களுக்கு உள்ளிட்டவர்கள். (82)

     (இ - ள்.) காரிபட்டவாய் அரவி அணி - நஞ்சு பொருந்தியவாயினை
யுடைய பாம்புகளை அணிந்த, பவர் பசுபதி உருத்திரர் ஆதி அட்ட
மூர்த்திகள் - பவர் பசுபதி உருத்திரர் முதலான எட்டு மூர்த்திகளும்,
மேருவின் அவிர்சுடர் ஆடகர் - மேருவைபபோல் விளங்கும் ஒளியினை
யுடைய ஆடகேச்சுரர்களும், தோடு ஏந்தும் - இதழ்களை ஏந்திய மட்டு
அறா - தேன் நீங்காத, மலர்மகன் செருக்கு அடங்கிட - தாமரை மலரில்
வசிக்கும் பிரமனின் தருக்கு அடங்க, மயங்கிய விதி தேற்ற - அவன்
மயங்கிய ஆக்கற்றொழிலைத் தெளிவிக்க. நிட்டையால் அவன் நெற்றியில்
தோன்றிய நீல லோகித நாதர் - நிட்டையினால் அவனது நெற்றியிலுதித்த
நீல லோகித உருத்திரரும் எ - று.

     காரி - நஞ்சு. தோடேந்தும், மட்டறா என்னும் அடைகள்
மலருக்குரியன. விதி - விதித்தல்; படைத்தல்,

     பவர் முதலிய அட்ட மூர்த்திகளாவார் : - பவன், சருவன்,
ஈசானன், பசுபதி, வீமன், மாதேவன், உக்கிரின், உருத்திரன் என்போர் :
இதனைக் கூர்மபுராணம் அட்ட மூர்த்தி யியல்புரைத்த அத்தியாயத்தில்.