(இ - ள்.) அந்தரத்தவர் அந்தர துந்துபி ஐந்தும் ஆர்த்தனர் சூழ
- தேவர்கள் தேவ துந்துபி ஐந்தனையும் முழக்கிச் சூழவும், அரக்கரும்
இயக்கரும் பூதரும் வந்து மங்கல இயம் கல்ல - அரக்கர்களும் இயக்கர்களும்
பூதங்களும் வந்து மங்கல இயங்களைக் கல்லென்று முழக்கவும், கொளைவல்
விஞ்சையர் தாளம் தந்து அசைத்திட - இசையில் வல்ல வித்தியாதரர் தாளம்
போட்டு ஆட்டுவிக்க, கொந்து அலர் கருங்குழல் அரமடந்தையர் -
கொத்தோடு பூக்களையணிந்த கரிய கூந்தலையுடைய தேவ மகளிர், மலர்ந்த
பூங்கொம்பர்போல் சாய்ந்து அசைந்தனர் ஆட - அலர்ந்த பூக்களையுடைய
கொம்புபோல் சாய்ந்து அசைந்து ஆடவும் எ - று.

     கல்ல : கலிக்க வென்பதன் விகாரம்; முன்னும் உரைத்தமை காண்க.
கொளை - பாட்டு;

என்பது புறம். கொம்பர் : ஈற்றுப் போலி. ஆர்த்தனர், அசைந்தனர் என்னும் வினை முற்றுக்கள் எச்சங்களாய் நின்றன. (103)

     (இ - ள்.) துங்கமாய் இரங்கு அருவி மலை - மிகுதியாய் ஒலிக்கும்
அருவிகளையுடைய மலையின்கண், இருள் தூங்கு ஆயிரம் முழை தோறும் -
இருள் குடி கொண்ட ஆயிரங் குகைகள்தோறும், சிங்கம் ஆயிரம் வாய்
திறந்து ஆர்த்தென - ஆயிரம் சிங்கங்கள் வாய் திறந்து ஒலித்தாற் போல,
ஆயிரம் சிரங்கள் - ஆயிரந் தலைகளையும், ஆயிரம் ஆயிரம் திண் தோள்
அங்கம் உடையவன் - இரண்டாயிரம் திண்ணிய தோள்களாகிய
உறுப்புக்களையுமுடைய பானுகம்பன், ஆயிரம் முகந்தோறும் - ஆயிரம்