கூறுகின்ற வாழ்த்து மொழிகளையுடையவராய், உள்ளம் கனிவு அரும்பிய
அன்பினர் - உள்ளத்தின் கண் கனிந்து வெளித் தோன்றிய
அன்பினையுடையவர்களாய், பரவ - (ஒரு பால்) துதித்து வரவும், உள்
கருத்தொடு வழிக் கொண்டோர் - ஒன்றிய கருத்துடன் வழிக்
கொண்டோராகிய, துனிஅருங் கணநாதர் - துன்பமில்லாத கணத்
தலைவர்கள், கொட்டு அதிர்கரத் துணையினர் - கொட்டி அதிர்க்கின்ற
இரண்டு கைகளையுடையவர்களாய், மழை போல பனிவரும் கண்ணர் -
மழை போல ஆனந்தவருவி பொழியும் கண்களையுடையவர்களாய், ஆடிய
தாளினர் - ஆனந்தக் கூத்து ஆடும் அடிகளையுடையவர்களாய், பாடும்
நாவினர் - பாடுகின்ற நாவினையுடையவர்களாய், ஏத்த - (ஒருபால்) பரவி
வரவும் எ-று.

     கையினர், ஆசியர், அன்பினர் என்னும் குறிப்பு முற்றுக்கள் எச்சமாய்ப்
பரவ என்பதனையும், துணையினர், கண்ணர், தாளினர் என்னும் குறிப்பு
முற்றுக்கள் எச்சமாய் ஏத்த என்பதனையும் கொண்டன. கண்ணர் கணரென
விகாரமாயிற்று. (106)

     (இ - ள்.) இந்திரன் மணிக்களாஞ்சி கொண்டு ஒருமருங்கு எய்த -
இந்திரன் மணிகள் பதித்த களாஞ்சியைக் கையிலேந்திக் கொண்டு ஒருபால்
வரவும், ஈசன் - ஈசானன். மெல்லிலை வாசம் தந்து இலங்கு பொன்
அடைப்பை கொண்டு ஓர் சார் வர - வெற்றிலையையும் வாசப் பொருளையுந்
தந்து விளங்கா நின்ற பொன்னாலாகிய அடைப்பையை ஏந்தி ஒரு பால்
வரவும், மருத்துக்கோ - காற்றுக் கடவுள், வந்து இரந்கு ஒலி ஆலவட்டம்
பணிமாற - வந்து ஒலிக்கும் ஒலியினையுடைய ஆலவட்டம் வீசி (ஒருபால்
வரவும்), ஆர் அழல் - நிறைந்த தீக்கடவுள், தூபம் தந்து நேர - தூபத்தைத்
தந்து (ஒருபால்) வரவும், நீர்க்கடவுள் பொன் கோடிகம் தாமரைக் கரம் தூக்க
- வருணதேவன் பொற்பூந் தட்டைக் தாமரை மலர் போன்ற கையில் ஏந்தி
(ஒருபால் வரவும்) எ - று.

     மெல்லிலை - வெற்றிலை : வினைத்தொகை! திருநகரச் சிறப்பில்
'மெல்லிலைப் பசுங் கொடியினால்' என்புழி உரைத்ததனையும் நோக்குக.
பணிமாறல், மரபு. கோடிகம் - பூந்தட்டு. (107)