ஓவத்தொழில் வல்லான் குறுக - அவ்விடம் ஓவியத் துறையில்
கைபோய ஒருவன் வர, நோக்கி - (அவனைப்) பார்த்து, இவனை நீ எழுதித்
தந்தால் - இங்குச் செல்லும் குழகனை நீ எழுதித் தரவல்லையேல், வேண்டுவ
ஈவன் என்றாள் - நீ வேண்டுவனவற்றைக் கொடுப்பேன் என்றாள், யார்
அவனை எழுதவல்லார் என்றனன் - யாவர் அவனை எழுதவல்லவர்
(ஒருவருமில்லை) என்று அவன் கூறினான்; ஆவி சோர்ந்தாள் - (அது கேட்டு
அவள்) உயிர் சோர்ந்தாள் எ - று.

     கவனம் - வேகம். கடைக்கணித்தல் : பெயரடியாக வந்த வினை. ஓவம்
- ஓவியம் : விகாரம். ஈவன், அன் : தன்மையில் வந்தது. அவன் எனவும்,
என்றலும் அவள் எனவும் வருவித்துரைக்க. (135)

     (இ - ள்.) ஒரு தனித் தையல் மாது - ஓர் ஒப்பற்ற அழகிய மாது,
வலத்து அயன் வரவு காணாள் - வலத்தின்கண் பிரமன் வருதலையும்
காணாது, மால் இடம் காணாள் - திருமால் இடத்தின்கண் வருதலையும்
காணாது, விண்ணோர் குழாத்தையும் காணாள் - தேவர் கூட்டத்தையும்
காணாது, மண்ணோர் குழாத்தையும் காணாள் - மக்கள் கூட்டத்தையும்
காணாது, ஞானப் புலத்தவர் போல - மெய்யுணர்வுடைய ஞானியர் போல,
கண்ட பொருளெலாம் - பார்த்த பொருள் அனைத்தையும், மழுமான்
செங்கைத் தலத்தவன் வடிவாக் கண்டாள் - மழுவையும் மானையும் சிவந்த
கையிடத்துடைய சிவபெருமானது திருவுருவமாகவே பார்த்தாள் எ - று.

     மெய்ஞ்ஞானிகட்கு, 'பிரபஞ்ச பேதமெலாந் தானாய்த்தோன்றி,' என்றபடி
எல்லாம் சிவனுருவாய்த் தோன்றுமாகலின் ஞானப்புலத்தவர் போல என்றார்.
அவனையன்றி வேயொருவரையும் கண்டிலளென்பது கருத்து. காணாள்
என்பன முற்றெச்சங்கள். வடிவா - வடிவாக. (136)

     (இ - ள்.) பெற்றம் காலின் முன் செல்ல - இடபமானது காற்றைப்
போல விரைந்து முன்னே செல்ல, அண்ணலை - இறைவனை, முன் போய்க்
காண்பான் - முன்னே சென்று காணுதற்பொருட்டு, பின்பற்றி ஆசைப் பாசம்
பிணித்து எழ - பின்றொடர்ந்து ஆசைக் கயிறானது கட்டி இழுத்துச் செல்ல,
ஓடுவாள் ஓர் பொன் பெற்ற முலையாள் - ஓடுகின்றவளாகிய ஒரு பொன்
போலும் தேமல் பூத்த கொங்கையையுடைய பெண், கொம்பர் உகுமலர் போல
மின் பெற்ற காஞ்சி - கொம்பினின்றும் உதிர்கின்ற மலர் போல
(இடையினின்றும் நழுவிய) ஒளிமிக்க மேகலையானது, தாளில் தட்ப - தனது
காலின் மேல் விழுந்து