என்றும் திண்பகை ஆகும் என்றும் - தாமரை மலர்கள் எப்போதும்
திண்ணிய பகையாயுள்ளன வென்றும், செறு தல்போல் களைதல் செய்வார்
- அழித்தல் போல அவற்றைக் களைவா ராயினர் எ - று.

     உட்பகை - புறந்தோன்றாத பகை, உள்ளிடத்திற்குப் பகை. ஆம்
பல் முதலியன அவற்றின் மலருக்கு ஆகுபெயர். களைதல் - முதலொடும்
போக்குதல். திண்பகை யெனற்பாலது எதுகை நோக்கி வலித்தது. (22)

     (இ - ள்.) மள்ளர் உழவர்கள், கமலம் - தாமரை மலர்கள், கடைசியர்
- (தங்கள்) உழத்தியரின், முகமும் காலும் கைகளும் என்னார் - முகம் கால்
கைகள் ஆகுமென்று கருதாமலும். குவளை - நீலமலர்கள், படைவிழி
என்னார் - வேல் போன்ற கண்கள் ஆகுமென்று கருதாமலும், குமுதம் -
செவ்வல்லி மலர்கள், பவளவாய் என்னார் - பவளம் போன்ற வாய்கள்
ஆகுமென்று கருதாமலும், அடையவும் களைந்தார் - (அவைகளை) முற்றவும்
களைந்தார்கள்; பகைஞராய் அடுத்த எல்லை - (உறவினராயினும்)
பகைவராய்வந்த காலத்தில், உடையவன் ஆணை ஆற்றால் - ஆண்டானது
ஏவல்வழி நின்று, ஒறுப்பவர்க்கு உறவு உண்டாமோ - தண்டிப்பவர்க்கு
அவ்வுறவை நினைத்தல் கூடுமோ (கூடாது) எ - று.

     என்னார் என்பன முற்றெச்சங்கள். உண்டாமோ, ஓ : எதிர்மறை.
வேற்றப் பொருள்வைப்பணி.

என்னும் கம்பராமாயனச் செய்யுட் கருத்து இதில் வேறுவகையாற்
கூறப்பட்டமை காண்க. (23)

     (இ - ள்.) வளர்கரு - வளர்கின்ற கருவானது, புரையற உணர்ந்தோர்
நூலின் பொருளின் - (ஐயந்திரிபாகிய) குற்றம் நீங்கக் கற்றுணர்ந்தோர்
(இயற்றிய) நூலின்கண் (உள்ளடங்கியிருக்கும்) பொருள்போல, உள் அடங்கி
- அகத்திலடங்கி நின்று, அந்நூல் வரை அறை - அந்நூற் பொருளினளவைத்
தெரிக்கின்ற, கருத்துமான - கருத்துரையின் தோற்றம்போல, புறம்பு தோன்றி
- வெளித்தோன்றி, கரை அமை கல்வி சாலா - இலக்கணவரம்பு அமைந்த
கல்வி நிறை யாத, கவிஞர் இறுமாந்து - புன்கவிஞர் (இறுமாத்தல்)