(இ - ள்.) மெய்ம்மை நூல் வழியேய கோயில் விதித்து - உண்மை
நூலின் நெறிப்படியே திருக்கோயிலெடுத்து, அருள் குறி நிறீஇ - அருள்
வடிவாகிய சிவலிங்கத்தை நிலை பெறுத்தி, இம்மையே நன்மை நல்கும் இறை
எனப் பேர் நிறுவி - இம்மையே பேறு தரும் இறைவன் என்று திருப்பெயர்
இட்டு, செம்மையால் பூசை செய்து - முறைப்படி பூசனை புரிந்து, நீப வனத்து
உறை சிவனை - கடம்ப வனத்திலுறைகின்ற சோமசுந்தரக் கடவுளை, காலம்
மும்மையும் தொழுது - மூன்று காலங்களிலும் வணங்கி, வையம் முழுவதும்
கோல் நடாத்தும் - உலக முற்றும் தனது செங்கோலை நடாத்தியருளுவான்
எ - று.

     மெய்ம்மை நூல் - ஆகமமும், அதன் வழிப்பட்ட சிற்ப நூலும். பேர்
நிறுவி வழிபட்ட இச்செய்தி,

எனக் கல்லாடத்துட் கூறப்படுதலுங் காண்க. (197)

     (இ - ள்.) பூவரும் அயன்மால் ஆதிப் புனிதரும் - தாமரை மலரில்
வசிக்கும் பிரமன் திருமால் முதலிய தேவர்களும், முனிவர் ஏனோ யாவரும்
- முனிவரும் மற்றைய அனைவரும், தனையே பூசித்து இகபரம் அடைய
நின்ற - தன்னையே வழிபட்டு, இம்மை மறுமைப் பயன்களை அடையுமாறு
அருள் புரிந்து நின்ற, மூவருள் மேலாம் முக்கண் மூர்த்தியே-மூவருக்கும்
மேலான முக்கண்ணனாகிய இறைவனே, பூசை செய்த தாவர இலிங்க
மேன்மைத் தகுதி அளக்க வல்லார் யார் - வழிபட்ட நிலைபெற்ற
இலிங்கத்தின் சிறப்புத் தன்மையை அளந்து கூற வல்லவர் யார்
(ஒருவருமில்லை யென்றபடி) எ - று.

     "மூவர் கோனாய் நின்ற முதல்வன்" எனத் திருவாதவூரடிகள் கூறுதல்
நோக்கி, 'மூவருள் மேலாம்' என்பதற்கு மூவருக்கும் மேலான
என்றுரைக்கப்பட்டது; மூவருள்ளேயெனினும் இழுக்கின்றென்க. தாவரமாகிய
இலிங்கமென்க. (198)