இசைக்கற் பாற்று - வேறு யாதெனக் கூறும் பகுதியையுடையது எ - று.

     என்பது : அசையுமாம். ஈற்றிலுள்ள ஏகாரம் அசை. (9)

     (இ - ள்.) அன்னது ஓர் தவிசின் உம்பர் - அத் தன்மையதாகிய
ஒப்பற்ற பீடிகையின் மேல், ஆயிரம் கரத்தால் அள்ளித் துன் இருள்
விழுங்கும் - ஆயிரங் கைகளினால் அள்ளிச் செறிந்த இருளை விழுங்குகின்ற,
கோடி சூரியர் ஒரு காலத்து மன்னினர் உதித்தால் ஒப்ப - கோடி சூரியர்கள்
ஒரே காலத்தில் நிலைபெற்று உதித்தாற்போல, மனம் மொழி பக்கம் கீழ்
மேல் பின் முதல் கடந்த - உள்ளம் உரை பக்கம் கீழ் மேல் பின் முன்
என்னும் இவற்றைக் கடந்த, ஞானப் பேர் ஒளி வடிவாய்த் தோன்றி -
மெய்ஞ்ஞானமாகிய பெரிய ஒளி வடிவமாகத் தோன்றி எ - று.

     கரம் - கை, கிரணம். இறைவன் எல்லாவற்றையும்
கடந்திருக்குமியல்பினை,

எனத் திருக்களிற்றுப்படியார் கூறுகின்றது. (10)

     (இ - ள்.) முந்துறு கணங்கள் - முதன்மையான சிவகணங்கள்,
மொந்தை தண்ணுடை முழக்கம் செய்ய - மொந்தை தண்ணுமைகளை
முழக்கவும், நந்திமா முழவம் தாக்க - திருநந்திதேவர் பெரிய மத்தளத்தை
அடிக்கவும், நாரணன் இடக்கை ஆர்ப்ப - திருமால் இடக் கையை
ஒலிக்கவும், இருவர் வந்து - தும்புரு நாரதர் என்னுமிருவரும் வந்து, கந்தருவ
நூலின் மரபுளிபாட - இசை நூலின் வழியே பாடவும், துந்துபி ஐந்தும்
கல்லென்று ஆர்கலி முழக்கம் காட்ட - ஐந்து துந்துபிகளும் கல்லென்னும்
ஒலியோடு கடலின் ஒலியைக் காட்டவும் எ - று.

     ஆர்ப்பிக்கவென்பது, ஆர்ப்பவென நின்றது. கந்தருவ நூல் - இசை
நூல். மரபுளி - முறையால்; உளி மூன்றன் பொருள்படும் இடைச்சொல்.
கல்லென்று : ஒலிக் குறிப்பு. (11)