(இ - ள்.) எந்தை - எம் தந்தையே, இத் திருக்கூத்து - இந்தத்
திருக்கூத்துடன், என்றும் இந்நிலை நின்று - எப்பொழுதும் இவ்
வெள்ளியம்பலத்துளே நின்று, யாவர்க்கும் பந்த வெம் பாசம் நீங்க -
யாவருக்கும் பந்தமாகிய வெய்ய பாசம் நீங்குமாறு, பரிந்து அருள் செய்தி
என்ன - இரங்கி அருள் செய்வாயென்று வேண்ட, வேதம் தலை தடுமாற
நின்றான் - மறைகள் (தன்னைத் துருவித்) தட்டழிய நின்ற இறைவன்,
செந்தமிழ்க் கன்னி நாடு செய்த - செந்தமிழுக்கு நிலைக்களமாகிய கன்னி
நாடு செய்த, மாதவப் பேறு எய்த - பெரிய தவப்பயன் அதற்குப் பொருந்த,
தந்தனம் என்றான் - அங்ஙனமே அளித்தோம் என்று அருள் புரிந்தான்
எ - று.

     வெம் பாசபந்தமென மாறுக; பாச பந்தம் - பாசத் தொடக்கு. செந்தமிழ்
நாடாகிய கன்னி நாடு என விரித்தலுமாம். (24)

     (இ - ள்.) அராமுனி ஈது வேண்டும் - பதஞ்சலி முனிவன் இதனை
வேண்டுவான்; ஆதி எம்பெரும - ஆதியாகிய எம்பெருமானே, பராபர -
பரமும் அபரமுமானவனே, இந்த நிராமய பரமானந்த நிருத்தம் நேர்
கண்டோர் எல்லாம் - நிராமயமாயும் பரமானந்தமாயும் உள்ள
இத்திருக்கூத்தை நேரே தரிசித்தவரனைவரும், தராதலம் மிசை வந்து எய்தாத்
தனிக்கதி பெறுதல் வேண்டும் - பூமியில் மீண்டு வந்து பிறவாத ஒப்பற்ற
சிவகதியை அடைதல் வேண்டும், என்று தாழ்ந்தான் - என்று கூறி
வணங்கினான்; பகவனும் அதற்கு நேர்ந்தான் - இறைவனும் அதற்கு
உடன்பட்டான் எ - று.

     ஈது - பின்வருவது. ஈது வேண்டும் என்பதனை எச்சப்படுத்து முடிக்க.
பிறவி நோயையொழிக்கும் திருக்கூத்தை நோயில்லதெனக் கூறினார்.
தராதலம் - தரையாகிய தலம். (25)

     (இ - ள்.) கணத்தோர் ஆர்த்தனர் கை கோத்து ஆடினர் - சிவ
கணத்தவர் ஆரவாரித்துக் கைகளைக் கோத்துக் குரவையாடினர்; விண்ணோர்