(இ - ள்.) அகல்நில வேறுபாட்டின் இயல் - அகன்ற நிலங்களின்
வேறுபாட்டின் தன்மையையும், செவ்வி - (பயிரிடும்) பருவத்தையும், அறிந்து
- தெரிந்து, மள்ளர் - உழவர்கள், தகவினை முயற்சி செய்ய - (அவற்றிற்கு)
தகுதியாகத் தொழில் முயற்சி செய்ய, காம நூல் சாற்றும் நான்குவகை நலார்
- காமநூல் கூறுகின்ற நால்வகைப் பட்ட மகளிரின், பண்பு செவ்வி அறிந்து
- தன்மையையும் பருவத்தையும் தெரிந்து, சேர் மைந்தர்க்கு - கலவிசெய்யும்
ஆடவருக்கு, இன்பம் மிகவிளை - இன்பம் மிக விளைகின்ற, போகம்
போன்று - அவ்வநுபவம் போல, பைங்கூழ் எல்லாம் விளைந்தன - பயிர்கள்
அனைத்தும் விளைந்தன எ - று.

     நில வேறுபாடு - செவ்வல், கரிசல் முதலாயின. நான்குவகை நல்லார்
- பத்மினி, சித்தினி, சங்கினி, அத்தினி என்போர். மகளிரிடத்துப் போகம்
விளைதல் போன்று நிலத்தின்கட் பயிர்விளையு மென்னுங் கருத்தினை,

என்னும் பொதுமறையா னறிக. இயல் செவ்வி, பண்பு செவ்வி என் பவற்றில்
எண்ணும்மைகள் விகாரத்தாற் றொக்கன. (26)

     (இ - ள்.) கொடும்பிறை வடிவில் செய்த - வளைந்த பிறையுன்
வடிவுபோற் செய்யப்பெற்ற, கூன் இரும்பி அங்கை வாங்கி - அரிவாளைக்
கையிலேந்தி, முடங்கு கால் வரிவண்டு ஆர்ப்ப - வளைந்த கால் களையும்
கீற்றுக்களையுமுடைய வண்டுகள் ஒலிக்க, முள் அரைக் கமலம் நீலம் -
முள்ளோடு கூடிய நாளத்தினையுடைய தாமரையும் குவளையும், அடங்க -
உடன்சேர, வெண்சாலி செந்நெல் - வெண்ணெல் செந் நெல் விளைவுகளை,
வேறு வேறு அரிந்து - வெவ்வேறாக அறுத்து, ஈடு ஆக்கி -
கற்றைகளாக்கி, நெடும் களத்து - நெடிய களத்தின்கண், அம்பொன் குன்றம்
நிரை என - அழகிய பொன் மலைகளின் வரிசைகள்போல, பெரும்போர்
செய்தார் - (உழவர்கள்) பெரிய போர்கள் செய்தனா எ - று.

     பிறை வடிவென முன்வந்தமையின் கூனிரும்பு என்பது பெயர்
மாத்திரையாய் நின்றது. அங்கை - அகங்கை. கமலநீலம் உம்மைத் தொகை.
வெண்சாலி செந்நெல் என்புழிச் செவ்வெண்ணின் றொகை விகாரத்தாற்
றொக்கது. ஈடு - பெருமை; ஆண்டுக் கற்றை; ‘ஈடுசால் போராழித்து’
என்னும் சிந்தாமணிச் செய்யுளுரையை நோக்குக. (27)