குறிஞ்சிப்பாட்டடிக்கு நச்சினார்க்கினியர் கூறியவுரைனறிக; சில - வட்டத்
தகட்டணியென்பர் சிலர்; அது சிறப்பின்றென்க. அறிகலான் - கு : சாரியை,
அல் : எதிர்மறை யிடை நிலை. குடவயிறு - குடம் போலும் ஆழமாகிய
வயிறு. (18)

     (இ - ள்.) ஐய - ஐயனே, இக்குறள் பசி இன்னும் அடங்கிடா -
இக்குறிய பூதத்தின் பசிதானும் இன்னமும் அடங்கவில்லை; வேறு வெய்ய
பாரிட வீரரை விடுத்தியேல் - வேறு கொடிய பூதகண வீரரை
விடுப்பாயானால் (அவர்), வையம் யாவையும் எடுத்து வயிற்றிடை வைப்பர் -
உலகம் அனைத்தையும் எடுத்து வயிற்றின்கண் வைத்து விடுவர்; இதனால் -
இந்நிகழ்ச்சியினால், உனக்குச் செய்ய கால ருத்திரப் பெயர் தேற்றம் ஆம் -
உனக்குச் செந்நிறமுடைய கால உருத்திரனென்னும் பெயர் உறுதியாம் எ-று.

     குறள், சொல்லால் அஃறிணையாகலின் ஈறு திரிந்தது. அடங்கிடா :
துவ்வீறு தொக்கது. ஏ : தேற்றம். (19)

     (இ - ள்.) சங்க வார் குழைக் குறள் மகன் - சங்காலாகிய நீண்ட
குண்டலத்தையுடைய குண்டோதரன், தன் செயல்தானே இங்கு வந்து உரை
செய்திட அறிதி என்று - தன் செயலைத் தானே இங்கே வந்து கூற
அறிவாய் என்று, இறை முன் - இறைவன் முன், மங்கை நாயகி - மங்கையர்க்
கரசியாகிய பிராட்டியார், குமுத வாய் மலர் பொழுது - சேதாம்பல் போன்ற
திருவாய் மலர்ந்து கூறும்பொழுது, எயிற்றுத் திங்கள் வாய் முழையான் -
கோணற் பல்லாகிய அரைமதியையும் வாயாகிய குகையினையுமுடைய
குண்டோதரன், பசித் தீச் சுட வந்தான் - பசித்தழல் கொளுத்த வந்தான்
எ - று.

     குறள் மகன் - குறளாகிய மகன்; ஈண்டு மகன் என்றது பாலுணர்த்து
மாத்திரையாய் நின்றது. வாய் மலர்தலாகிய காரணம் கூறுதலாகிய காரியத்தை
உணர்த்தும். (20)