பஞ்சமனு என்பது முன் பின்னாக மாறி விகாரமாயிற்று. சாந்தியைச்
செய்தலால் உபநிடதத்தைச் சாந்தியெனவும், உபநிடதம் விசாரித்தலைச்
சாந்திபாடம் எனவும் வழங்குவர். (7)

     (இ - ள்.) நிருத்தன் உறை பதி பல போய்ப் பணிதல் - சிவபெருமான்
உறையும் பல திருப்பதிகளிலும் சென்று வணங்கலும், பணி நிறைவேற்றல் -
திருப்பணி முடித்தலும், திருத்தன் முடி நதி ஆதி தீர்த்த யாத்திரை மெய்
வருத்தமுறப் போய் ஆடல் - இறைவன் முடி நதியாகிய கங்கை முதலிய
நதிகளில் யாத்திரையாக உடல் வருந்தச் சென்று நீராடலும், இவை முதல் பல
- ஆகிய இவை முதலாகப் பலவாம்; அவ்வகை மூன்றில் - அம்
மூவகையுள்ளும், பொருத்த முறுகாயிகங்கள் சிறந்தன - பொருந்திய
காயிகங்கள் சிறந்தன; இப் புண்ணியத்துள் - (உடம்பாற் செய்யப்படும்)
இவ்வறங்களுள்ளே எ - று.

     இப் புண்ணியத்துள் திருத்த யாத்திரை அதிகம் எனவருஞ்
செய்யுளோடு இயையும். (8)

     (இ - ள்.) திருத்தயாத்திரை அதிகம் - தீர்த்தங்களிற் சென்று நீராடல்
சிறந்தது; அவற்று அதிகம் - அவ்வெல்லாத் தீர்த்தங்களினும் சிறந்த, சிவன்
உருவு ஆம் திருத்தம் ஆம் கங்கை முதல் திருநதிகள் -
சிவபெருமானுருவாகிய திருத்தம் பெற்ற கங்கை முதலிய நதிகளுக்கு,
தனித்தனி போய் திருத்தம் ஆடுவது - தனித்தனியே சென்று நீராடுவது,
அரிது - மேன்மையுடையத்து; அ திருநதிகள் அவை வந்து திருத்தமாய்
நிறைதலினால் - அவ்வழகிய நதிகள் வந்து செப்பமாய் நிறைதலினால்,
அவற்று அதிகம் திரை முந்நீர் - அந்நதிகளில் ஆடுவதினும்
அலைகளையுடைய கடலில் ஆடுவது சிறந்தது எ - று.

     தீர்த்தமென்பது திருத்தமெனத் திரிந்தது. ஆடுவது அவற்றதிகம் என
முடித்து, அரிதாகிய அத்திருநதி என்னலுமாம். அவை : பகுதிப் பொருள்
விகுதி, முந்நீரில் ஆடுவது என விரிக்க. அவற்றென்னும் பன்மைக்கேற்ப
யாத்திரைகள் ஆடுதல்கள் எனக் கொள்ளல் வேண்டும். (9)