பணியாளரும் தோழிகளாகிய பொன்வளைய லணிந்த மகளிரும் பறித்துக்
கொடுக்க, வாங்கி மோந்து உயிர்த்து - (அம்மலர்களை) வாங்கி முகந்து
சுவாசித்து, ஆதரம் இரண்டு அற - அன்பு இரண்டில்லையாக, அமரும்
எல்லையில் - எழுந்தருளியிருக்கும் காலத்தில் எ - று.

     இளைஞர் - ஏவர் செய்வார்; "யான்கண் டனையரென் னிளையரும்"
என்பது புறம். முகந்து என்பது மோந்து என மருவிற்று. இருவர் அன்பும்
ஒன்றாக என்பார் ‘ஆதரம் இரண்டற’ என்றார். அன்பால் ஒன்றுபட்டு
என்னருமாம். (3)

     (இ - ள்.) மன்னவன் - சுந்தரபாண்டியன், தன் அமர் காதலி தன்னை
நோக்கி - தன்னால் விரும்பப்பட்ட காதலியாகிய பிராட்டி யாரைப் பார்த்து,
உன் பொருட்டு - நினது பொருட்டு, ஏழுவாரியும் இந்நகர் அழைத்தனம் -
ஏழு கடலையும் இப்பதியில் வருமாறு அழைத்தேம், ஈண்டுப் போந்து
ஆடுவான் நின் அன்னையை அழைத்தி என்றான் - இங்கு வந்து
கடலாடுதற்கு உன் தாயை அழைப்பாயாக என்று கூறி யருளினான் எ - று.

     தன்னால் என விரிக்க. தன் : சாரியை. ஆல் : அசை. (4)

     (இ - ள்.) மடந்தையும் - பிராட்டியாரும், அன்னையைக் கொணர்ந்து
வாவி மாடு அடைந்தனளாக - தாயை அழைத்து வந்து பொய்கையின்
பக்கத்தே அடைந்தனராக, அவள் புராண நூல் படர்ந்த கேள்வியர் தமை
நோக்கி - அவ்வன்னையானவள் புராண முதலிய நூல்களின் பரந்த
கேள்வியை யுடைய முனிவர்களை நோக்கி, பௌவ நீர் குடைந்திடும் விதி
எவன் - நீரில் ஆடுதற் குரிய விதியாது, கூறும் என்ன - கூறுவீராக என்று
வினவ எ - று.

     படர்ந்த - சென்ற என்னலுமாம். எவன் : வினாப் பெயர். கூறும் :
ஏவலில் வந்த செய்யு மென்னும் வாய்பாட்டுச் சொல். (5)

     (இ - ள்.) (அதற்கு அவர்), கோது அது கற்பினாய் - குற்றமற்ற
கற்பினையுடைய காஞ்சன மாலையே, கொழுநன் கைத்தலம் - நாயகன்