(இ - ள்.) எண் இறந்த தேவர்க்கும் - அளவில்லாத தேவர்களுக்கும்,
யாவர்க்கும் - மற்றுள்ளார் பலர்க்கும், பயன் சுரக்கும் - வேண்டிய பயனைத்
தரும், இமையோர் நாட்டுப் புண்ணிய ஆன் புனிற்றுக் கன்றுக்கு -
தேவருலகத்துப் புண்ணிய வடிவமாகிய காமதேனுவின் இளங் கன்றுக்கு,
குறைவு ஏது - குறைவு யாது (அது போல நின்னை யடுத்த எனக்கும் ஒரு
குறைவுமில்லை; ஆதலால்), என் ஈன்றாள் - எண்ணியது கடல் ஒன்றே - என்
தாய் நீராட விரும்பியது ஒரு கடலே யாகவும், என் பொருட்டு -
என்னிமித்தமாக, எழு கடலும் ஈண்டு அழைத்தாய் - ஏழு கடலையும் இங்கு
வரவழைத்தாய்; ஈன்றாள் ஆட விண் இருந்த கணவனையும் விளித்து -
அவள் நீராடுதற்கு வானலகத்திலிருந்த அவள் நாயகனையும் அழைத்து, உன்
அருள் வடிவு அளித்து - உனது கருணை யுருவத்தையும் தந்து, உன் மேல்
நாடு ஈந்தாய் - உனது மேலாகிய சிவ லோகத்தையும் கொடுத்தருளினாய்
எ - று.

     யாவர்க்கும் என்றது முனிவர் முதலாயினாரை. பயன் - பால். உண்டி.
தன் : சரியை; அசையுமாம். புனிற்றுக் கன்று - ஈன்றணிமை யுடைய கன்று;

என்பது தொல்காப்பியம். ஒன்றே யாகவும் என விரித்து, என் பொருட்டு
அழைத்தாய் என இயைக்க. அருள் வடிவு - சாரூபம். ஆங்ன கன்றுக்குக்
குறைவேது என உவமை கூறிப் பொருள் தொக வைத்தது பிறிது மொழிதல்
என்னும் அணி. (30)