(இ - ள்.) அதற்கு இசைய - அதற்குப் பொருந்த, தானும் மருமகனாகி
- தானும் மருமகனாகி, வையம் முற்றும் வெண்குடைக் கீழ் வைக - உலகம்
முழுதும் வெண்கொற்றக் குடையின் நிழலிலே தங்கி யிருக்க, முறை
செய்தானாக - முறை புரிந்து வருதலால், மூன்று கொற்றவர் தம்மில் - சேர
சோழ பாண்டிய ரென்னும் மூன்று மன்னர்களில், திங்கள் கோக்குடி
விழுப்பம் எய்தப் பெற்றது - சந்திரகுலத்துத் தோன்றிய பாண்யர் குடியானது
மேன்மை யடைந்தது; இன்னும் பெறுவது ஓர் குறைவு தீர்ப்பான் -
(அவ்விறைவனே) இன்னமும் அம்மரபு பெறக் கடவதாகிய ஒரு குறையை
நீக்குவானாயினன் எ - று.

     ஆக - ஆதலால்; உமையைத் தந்து மருகளாகி முறை செய்தமையால்
என்க. திங்களின் வழிவந்த கோக்களின் குடியென விரிக்க. எய்தற்
பாலதாகிய குறைவாவது வழிபொன்றி அரசு நிலை கெடல். மற்று, போலும்
என்பன அசைச் சொற்கள். (4)

     (இ - ள்.) ஒன்றினைச் செய்கை - ஒன்றைச் செய்தலும், செய்யாது
ஒழிகை - அதனைச் செய்யாது தவிர்தலும், வேறு ஒன்று செய்கை -
மற்றொன்று செய்தலும், என்று இவை உடையோன் - என இவற்றை
உடையவனும். ஆதி ஈறு இலாப் பரமயோகி - முதலு முடிவு மில்லாத
பரமயோகியும், நன்று தீது இகழ்ச்சி வேட்கை நட்பு இகல் விளைக்கும்
மாயை வென்றவன் - நன்மையும் தீமையும் வெறுப்பும் விருப்பும் நட்பும்
பகையுமாகிய இவற்றை விளைக்கின்ற மாயையை இயல்பாகவே
வென்றவனுமாகிய சிவபெருமான், செய்யும் மாயை விருத்தி அளக்க வல்லார்
யார் - செய்கின்ற மாயையின் விருத்தியை அளந்து காண வல்லவர் யாவர்?
(ஒருவருமில்லை என்றபடி) எ - று.

     ஒன்றினைச் செய்கை முதலிய மூன்றும் வடமொழியில் கர்த்திருத்துவம்,
அகர்த்திருத்துவம், அந்நியதா கர்த்திருத்துவம் என்று கூறப்படும்; இவற்றால்
தன்வயத்தனாதலாகிய இறைமைக் குணம் கூறியவாயிற்று;

என்னும் நல்வழி வெண்பாவில் இறைவனது தன்வய முடைமையும், உயிரினது
தன்வய மின்மையும் ஒருங்கே கூறப்படுதல் காண்க. மாயை விருத்தி -
விசித்திரச் செயல்கள். "மாயை வென்றவன் செய்யு மாயை விருத்தி" என
முரணயந் தோன்றக் கூறினார். (5)