கொள்கின்ற கண்ணும் கபோலமும், புயல் புரை வள்ளல் செங்கை - முகிலை
ஒத்த வண்மையையுடைய சிவந்த கையும், புதுமணம் கவரும் துண்டம் - புதிய
மணத்தினை நுகரும் மூக்கும், முலை நடு வியன்மார்பு ஐந்தும் - முலையின்
நடுவிலுள்ள பரந்த மார்பும் ஆகிய ஐந்து உறுப்புக்களும், நீண்டவேல் நன்மை விளைக்கும் - நிண்டுள்ளனவாயின் (அவை) நன்மையைக் கொடுக்கும் எ - று.

     வள்ளல் என்றது ஈண்டு வண்மையை யுணர்த்திற்று. நாசி யென்றது
மூக்கின் அடியை யெனவும், துண்டம் என்றது மூக்கின் முனையை யெனவும்
கொள்க. (39)

     (இ - ள்.) நறிய பூங்குஞ்சி - நன்மணங் கமழும் மலரையணிந்த
சிகையும், தொக்கு - தோலும், விரல்கணு - விரலின்கணுவும், நகம் - நமகும்,
பல் - பல்லும், ஐந்தும் சிறிய வேல் ஆயுள் - ஆகிய ஐந்துறுப்புகளும்
சிறுகியவாயின் ஆயுள் (மிகும்); கோசம் சங்கை நா முதுகஇ நான்கும் -
ஆண்குறியும் கணைக்காலும் நாவும் முதுகும் ஆகியஇந்நான்குறுப்புக்களும்,
குறியவேல் பாக்கியப் பேறு ஆம் - குறுகிய வாயின் செல்வப்பயன் ஆகும்;
ஆய்ந்தோர் அறியும் சிரம் குளம் என்று இவ்வுறுப்பு இரண்டும் அகன்றவேல்
- தெளிந்தோர் அறியும் தலையும் நெற்றியும் ஆகிய இவ்விரண்டுறுப்புகளும்
அகன்றனவாயின், அது நன்றாம் - அவ்வகற்சியும் நன்மையாகும் எ - று.

     ஆய்ந்தோர் - நூல்களை ஆராயந்தோர். குளம் - நெற்றி. அதுவும்,
உம் : அசை. (40)

     (இ - ள்.) அக அடி அங்கை நாட்டக் கடை இதழ் அண்ணம் நாக்கு
நகம் இவை ஏழும் - உள்ளங்காலும் உள்ளங்கையும் கடைக் கண்ணும்
உதடும் மேல்வாயும் நாவும் நகமும் ஆகிய இவ்வேழுறுப்புக்க ளும், சேந்த
நன்மையால் மா இன்பம் பெறும் - சிவந்திருக்கும் நன்மையினாலே பெரிய
இன்பத்தை அடைவான்; இகல் வலிஓசை நாபி என்ற இவை மூன்றும் - மிக்க
வலியும் ஓசையும் கொப்பூழும் என்று சொல்லப்பட்ட இம்மூன்றும், ஆழ்ந்த்
தகைமையால் - ஆழ்ந்திருக்குந் தகுதியாலே, எவர்க்கும் மேலாம் நன்மை
சால் தக்கோன் - யாவருக்கும் மேலாகியநலம் நிறைந்த தக்கோனாவன்;
என்னா - என்று கருதி எ - று.

     அங்கை அகங்கை;