மனமுருகி, ஒல்லை ஊற்று - விரைந்து சொரிகின்ற, பால்வெள்ளத்துள்
உகள்வன - பால் வெள்ளத்திலே தாவுவன எ - று.

     முல்லையாழ் - முல்லைப்பண். மருதம் - மருதப்பண். பயிற்றி,
பயின்று என்பதன் பிறவினை. வண்டுகளுக்குப் பயிற்றி எனப் பொருள் கூறி,
உருபுமயக்கம் என்னலுமாம்.

என ஆசிரியர் தொல்காப்பியனார் விதித்திருத்தலின் ஆன்கன்றைக் குழவி
யென்றார், முல்லைக்கும் மருதத்திற்கும் மயக்கங் கூறியவாறு. (38)

     (இ - ள்.) கரும்பொன் கோட்டு - இரும்புபோலும் கரியகொம்பு
களையுடைய, இளம் புன்னைவாய் கள் உண்டு - இளமையாகிய புன்னை
மலரின் தேனைப்பருகி, காளை சுரும்பு - ஆண்வண்டுகள், செவ்வழிப்
பாண் செய - செவ்வழிப் பண்ணைப் பாட, கொன்றை பொன் சொரிவ -
கொன்றை மரங்கள் (கொடையாளர்போல) பொன்போரும் பூக்களைப்
பொழிவன; அரும் தடம் கடல் அளத்தற்கரிய பெரிய கடலாளைப்
பொழிவன; அரும் தடம் கடல் - அளத்தற்கரிய பெரிய கடலானது,
வளைஎடுத்து - தன்னிடத்துள்ள சங்கினை எடுத்து, ஆழியான் கையில்
இருந்த சங்கு என இறைகொள - சக்கரப் படையையுடைய திருமாலின்
கையில் இருந்த பாஞ்சசந்நிய மென்னுஞ் சங்குபோலத் தங்கும்படி, பூவை
மேல் எறிவ - காசாஞ் செடிமீது எறிவன எ - று.

     கரும்பொன் - இரும்பு. புன்னை நெய்தலுக்கும், பூவை முல்லைக்கும்
உரியன. செவ்வழி - நெய்தற்பண். பாண்செயல் - பாடுதல். பொன்போலும்
பூவைப் பொன் என்றார். மேலுரைத்தது காண்க. சுரும்பு பாணராகவும,்
கொன்றை பரிசிலளிப்போராகவும் தோன்றுமாறு நயம்படக் கூறினார்.

என்னும் ஆளுடைய பிள்ளையார் திருவாக்கும் காண்க. பூவைமா யோன்
போலுமாகலானும், அவனும் முல்லைக் குரியனாகலானும், அவன்
கையிலிருந்த சங்குபோல வென்றார். இறைகொளல் - இறுத்தல்; தங்குதல்.
முல்லைக்கும் நெய்தலுக்கும் மயக்கங்கூறியவாறு. (39)