பெருமான் குமரனுக்கு - செழியர் பெருமானாகிய சுந்தரபாண்டியனுடைய
திருக்குமாரனுக்கு, கொடுத்தி என்று செப்புதலும் - கொடுப்பாய் என்று கூறிய
வளவில் எ - று.

எனத் திருமுகப் பாசுரத்தில் தொடர் ஈண்டுச் சிந்திக்கற்பாலது; ஆம் என்பது
பிரித்துக் கூட்டப்பட்டது. கொடுத்தி : ஏவலொருமை. இ : விகுதி; த் :
எழுத்துப் பேறு. செப்புதலும் : வினையெச்சம். (5)

     (இ - ள்.) உள்ளக் கமலம் முக கமலம் உடனே மலர - நெஞ்சத்
தாமரை முகத்தாமரை யுடனே மலரா நிற்க, இருதடம் கண் அள்ளல் கமலம்
மலர்ந்து - சேற்றிலுண்டாகிய தாமரை மலர் போலும் பெரிய இரு கண்களும்
விழித்து, தனது அம் கைக்கமலம் முகிழ்த்து எழுந்து - தனது அழகிய கைத்
தாமரைகளைக் கூப்பி எழுந்து; வள்ளல் பரமன் கருணை எளி வந்த செயலை
நினைந்து - வள்ளலாகிய சிவபெருமான் கருணை தனக்கு எளிதிற் கிட்டிய
செயலை நினைந்து, அன்பின் வெள்ளத்து அழுந்தி எழுந்தது - அன்பாகிய
வெள்ளத்தில் மூழ்கி யெழுந்து, இரவி வேலை முளைக்கும் வேலையினில் -
சூரியன் கடலிற் றோன்றும் வேளையில் எ - று.

     கமலக் கண் மலர்ந்து என வியைக்க. கண் மலர்த்ல் - விழித்தல்.
எளிவந்த : ஒரு சொல். தடங்கண் அள்ளற் கமலம் மலர்ந்து அங்கைக்
கமலம் முகிழ்த்து என்பது பொருள் முரண். வேலை முளைக்கும்
வேலையினில் என்பது ஓர் வகை எதுகை நயம். (6)

     (இ - ள்.) நித்தம் நியமக் கடன் நிரப்பி - நாடொறுஞ் செய்யும்
நியமமாகிய கடன்களைக் குறைவின்றி முடித்து, நிருபன் - சோம சேகரன்,
அமைச்சரொடு நான்கு பைத்த கருவிப் படையினொடு - மந்திரிகளோடும்
நான்காகிய பரந்த சேனைகளோடும், பலவேறு இயமும் கலிப்ப - பல வேறு
பட்ட இயங்களும் ஒலிக்க, தன் பொய்த்த மருங்குல் திருமகளை -
பொய்யாகிய இடையினை யுடைய தன் புதல்வியாகிய காந்திமதியை, பொன்
அனாரோடு - திருமகன் போலும் தோழி களோடு, இரத மிசை வைத்து -
தேரின்மேல் வைத்து, மணம் சேர் திருவினொடு மதுரை நோக்கி
வழிக்கொண்டான் - திருமணத்திற்குப் பொருந்திய செல்வத்தோடு
மதுரைப்பதியை நோக்கிச் செல்லுதலுற்றான் எ - று.