என்று சிந்தாமணியிற் கூறப்பட்டுள்ளது. உள்ளன வென்பதன்பின் சில
சொற்கள் வருவிக்கப்பட்டன. (38)

     (இ - ள்.) இடை - மருங்குலானது, மயிர் நரம்பு அற்று - மயிரும்
நரம்பும் இன்றி, இருபதோடு ஒரு நான்கு எழில் விரல் அளவொடு -
இருபத்து நான்கு அழகிய விரலினளவினோடு, வட்ட வடிவதாய்ச் சிறுகி
மெலிவது - வட்ட வடிவினதாய்ச் சிறுத்துத் தளர்வது (ஆயின் நன்மையாம்);
நிரம்பம் - அல்குலானது, மத்தகம் யாமையின் புறம் போல் - யானையின்
மத்தகமும் யாமையின் முதுகும் போல, படிவம் நேர் ஒத்தல் நன்று - வடிவு
சமமாயிருத்தல் நன்மையாம்; இருகுறங்கும் - இரண்டு தொடையும், படுமயிர்
என்பு அகன்று - உண்டாகும் மயரும் எலும்பும் நீங்கி, யானை தட உடைக்
கையும் - யானையினது பெருமை பொருந்திய துதிக்கையையும், கரபமும் -
கையினடியையும்; கதலித்தண்டும் - வாழைத் தண்டையும், ஒத்திருக்கில் நன்று
என்ப - ஒத்திருக்குமாயின் நன்மை என்று கூறுவர் எ - று.

     நிதம்பம் - இடையின் கீழ்ப்பக்கம்; பின்புறமாகிய சகனமென்றும்
உரைப்பார். தட - பெருமை;

என்பது தொல்காப்பியம். (39)

     (இ - ள்.) அணி முழந்தாள் - அழகிய முழங்கால், அங்கம் உள்
மறைந்து - எலும்பு வெளித்தோன்றாமல் உள்ளே மறைந்து, வட்டமாய் -