பொன் கவரி எட்டு பொன்னாலாகிய காம்பினையுடைய சாமரை எட்டும்,
விட்டு ஒளிர் பசும் பொன் கிண்ணப் பந்தி சூழ் விளங்க - ஒளி விட்டு
விளங்கும் பசும் பொன்னாலாகிய கிண்ண வரிசை சூழ்ந்து விளங்க, நாப்பண்
நட்ட பொன் காலினோடு - நடுவே நட்ட பொன்னாலாகிய காலுடன் கூடிய,
நகை மணிக்கலம் நூறு - ஒளி பொருந்திய மாணிக்கப் பாத்திரங்கள் நூறும்
எ - று.

     வாக்கி - கருக்கட்டி வார்த்து. சூழ் விளங்க நட்ட காலுடன் கூடிய
கலம் என்க. (50)

     (இ - ள்.) பெருவிலை ஆரப் பேழை - மிக்க விலையுள்ள முத்து
மாலை வைத்திருக்கும் பெட்டி (முந்நூறும்), ஆயிரம் பெற்ற நுண் தூசு -
ஆயிரம் பொன் விலையுடைய மெல்லிய வெண்டுகிலும், அருவிலைப்பட்டு -
மதித்தற்கரிய விலையுள்ள பட்டும் ஆகிய இவைகளை, வெவ்வேறு
அமைத்தன பேழை முந்நூறு - வேறு வேறாக வைக்கப் பெற்ற பெட்டி
முந்நூறும், திருமணிக் கலனோடு - சிறந்த மாணிக்க அணிகளோடு, அமுது
உருவு எழுதிச் செய்த ஓவியப் பாவை அன்னார் - அமிழ்தத்தில்
(கோலினைத் தோய்த்து) உருவம் வரைந்து செய்த சித்திரப் பாவையை
ஒத்தவாராகிய, ஏவல் சேடியர் எழுநூற்று ஐவர் - ஏவல் செய்யும் லதியர்
எழுநூற்றைவரும் எ - று.

     ஆயிரம் காணம் விலைபெற்ற வென்க; ஆயிரம், மிகுதிக்கு ஓர்
எடுத்துக் காட்டு. தூசு - பருத்தியாடை; துகிலெனவும் வழங்கும்.

என்பது பட்டினப்பாலை. அமுதால உருவெழுதுதல்

என இராமாயணத்தில் வந்துளது. (51)

     (இ - ள்.) விளைவொடு மூன்று மூதூர் - விளைந்த கழனிகளுடன்
கூடிய மூன்று பெரிய ஊர்களும், மின்னு விட்டு எறியும் செம்பொன் அளவு
இரு கோடி - ஒளிவிட்டு வீசும் செம் பொன் இரண்டு கோடி அளவும், இன்ன
- இவை போல்வன பிறவும், அரும் பெறல் மகட்கு - பெறுதற்கரிய தன்
புதல்விக்கு, வண்டு முழங்கித் திளை மதுகண்ணிச் சோமசேகர மன்னன் -
வண்டு ஒலித்துத் திளைக்கின்ற தேனினை யுடைய மாலையை யணிந்த
சோமசேகர மன்னன், செல்வவளம் உற வரிகையாக வழங்கினான் - செல்வ
வளத்திற்கேற்ப வரிசையாகக் கொடுத்தான் எ - று