மாது, ஓ : அசைகள். (52)

     (இ - ள்.) இயங்கள் எல்லாம் ஆர்த்தன - பலவகை இயங்களெல்லாம்
ஒலித்தன; அமரர் மந்தார மாரி தூர்த்தனர் - தேவர்கள் கற்பக மலர்
மழையைப் பொழிந்தனர்; வேள்விச் செந்தீ வலமாய்த் துள்ளிச் சுழித்தது -
வேள்விக் குண்டத்தின்கண் சிவந்த தீயானது வலமாகச் சுழன்று குதித்
தெழுந்தது; வார் தனம் மடவர் நாவின் வாழத்து துளைத்தன - கச்சணிந்த
கொங்கைகளையுடைய மகளிர் நாவின்கண் வாழ்த்துப் பாடல்கள் அரும்பின;
மன்றல் பார்த்தனர் கண்கள் எல்லாம் - திருமண விழாவைப் பார்த்தவர்களின் கண்களனைத்தும், படைத்த பேறு பெற்றன - படைக்கப் பெற்றதனாலாகிய
பயனை அடைந்தன எ - று.

     சுழித்துத் துள்ளியது என விகுதி பிரித்துக் கூட்டுக. மன்றல் வாழ்த்து
முளைத்தன எனலுமாம். (53)

     (இ - ள்.) பொதி அவிழ் கடப்பம் தண்தார் - முறுக் கவிழ்ந்த
கடப்பமலரின் தண்ணிய மாலையணிந்த, புயத்து இளங்காளை அன்னான் -
திருத்தோளினையுடைய முருகக்கடவுளை யொத்த உக்கிர வழுதி, முதியவர்
செந்தீ ஓம்ப - மூதறிவுடைய முனிவர் ஓமம் வளர்க்கவும், இன் இயம் முழங்க்
- இனிய இயங்கள் ஒலிக்கவும், காந்திமதியை மங்கல நாண் பூட்டி -
காந்திமதி யம்மையை மங்கல நாண் அணிந்து, வரிவளை செங்கைபற்றி -
வாகளையுடைய வளையலணிந்த் சிவந்த கையைப்பற்றி, ஏனைமன்றல் வினை
எலாம் - மற்றைய மணவினைகளனைத்தையும், விதிவழி நிரம்பச் செய்தான் -
வேத விதிப்படி நிரம்பு மாறு செய்து முடித்தான் எ - று.

     கடம்பு என்பது வலித்து அம் சாரியை பெற்றது. நாண் பூட்டி
யென்பதும் செங்கைபற்றி யென்பதும் ஒரு சொன்னீரவாய் இரண்டாவதற்கு
முடிபாயின. எலாம் - எல்லாமும். (54)