(இ - ள்.) எண் இலாத வளத்தினொடும் - அளவில்லாத
செல்வத்துடன், இரவி மருமான் மடப் பிடியை - சூரியன் மரபில் வந்த
சோமசேகரன் புதல்வியாகிய காந்திமதியை, பண் நிலாவு மறை ஒழுக்கம்
பயப்ப வேள்வி வினை முடித்து - இசையமைந்த வேதத்தின் விதி நிரம்ப
மண வினையை முடித்து, தண் நிலா வெண்கலை மதியும் தாரா கணமும்
தவழ்ந்து உழல - தண்ணிய ஒளி பொருந்திய வெள்ளிய கலையையுடைய
திங்களும் உடுக்கணங்களும் தவழ்ந்து வருமாறு, விண் நிலாவும் - வானின்
கண் (உயர்ந்து) விளங்கும், மணி மாட வீதி - அழகிய மாடங்களையுடைய
வீதியை, வலமாய் வரும் எல்லை - வலமாக உலாவரும் பொழுது எ - று.

     மடப்பிடி - இளமை பொருந்திய பெண்யானை போல்வாள்; பிடி
நடையாலுவமம், வேள்வி வினை முடித்து என்றது அநுவாதம். உழல
நிலாவுமென்க. அணி மாடமேனப் பிரித்தலுமாம். வலமாக வெனத்
திரிக்க. (55)

     (இ - ள்.) மின்நேர் பொன் அம்தொடியினரும் - மில்லையொத்த
பொன்னாலாகிய அழகிய வளையலை அணிந்தவரும், மெய் செம்பஞ்சி
அடியினரும் - மெல்லிய செம்பஞ்சிக் குழம்பூட்டிய அடியினையுடைய வரும்,
பொன் ஏர் மணிப்பூண் முலையினரும் - பொன்னலாகிய அழகிய மணிக்கலன்
விளங்கும் கொங்கையையுடையவரும், புலம்பும் மணி மேகலையினரும் -
ஒலிக்கின்ற அழகிய மேகலையை அணிந்த வரும், அல் நேர் ஒதித்தாரினரும்
ஆகி - இருள்போன்ற கூந்தலில் மாலையை யணிந்தவரும் ஆகி, கண்ணும்
மனமும் அவன் முன்னே தூது நடப்பதென நடப்ப - கண்களும் மனமும்
அவன் முன்னே தூது செல்லுதல் போல முன்னேசெல்ல, முகிழ முலையார்
நடந்தார் - தாமரை யரும்பினை யொத்த தனங்களை யுடைய மகளிர்
சென்றார்கள் எ - று.

     தொடியினரும் அடியினரும் எனவும், முலையினரும் கலையினரும்
எனவும் இயைபெதுகை நயம் அமைந்திருத்தல் காண்க. ஏர் : உவம
வுருபுமாம். நடப்பது : தொழிற் பெயர். முகிழ் கோங்கரும்புமாம்; முகிழத்த
வெனினும் பொருந்தும். (56)