(இ - ள்.) தன் பவனி தொழுது வருவார் - (உக்கிர குமாரன்) தனது
திருவுலாவைத் தரிசித்து வருவாராகிய, சுருங்கும் இடையார் தமக்கு இரங்கி
- சிறுகிய இடையினையுடைய மகளிர்க்கு இரங்கி, மருங்குல் பாரம் கழிப்பான்
போல் - அவரது இடையின் பாரத்தைக் கழிப்பவன் போல, கலையைக்
கவர்ந்தும் - மேகலையை வௌவியும், வளைத்தோள் மேல் பாரம் ஒருங்கு
கழிப்பான் போல் - மூங்கிலையொத்த தோளின் பாரத்தை ஒரு சேர
நீங்குபவன் போல, வளையைக் கவர்ந்தும் - வளையல்களை அபகரித்தும் -
கற்பினைக் கவர்ந்தும், நெறிச் செல்வான் - வீதியிற் செல்வான் எ - று.

     வருவாராகிய இடையார் தமக் கென்க. கலை - மேகலை; முதற் குறை.
மகளிர் வேட்கை நோயால் உடல் மெலிந்து கலையும் வளையும் கழலப்
பெறுதலையும், நிறையிழத்தலையும் உக்குரகுமாரன் அவர் மேல் இரக்கமுற்று
மருங்குல் முதலியவற்றின் பாரத்தைக் கழிப்பான் போற் கவர்ந்து செல்வான்
எனக்கூறினார். இது தற்குறிப்பேற்றவணி. (57)

     (இ - ள்.) வானமதி சேர் முடி மறைத்த வழுதி மகனே இவன்
என்றால் - வானின்கண் உள்ள பிறையை யணிந்த சடையை மறைத்து
வந்தருளிய சுந்தர பாண்டியன் புதல்வனே இவ் வுக்கிரகுமரனென்றால்,
ஆனை எருத்தில் - யானையின் பிடரியில், இள அடல் சிங்க ஏறு என்ன -
இளமையாகிய வலிய ஆண் சிங்கம்போல இவர்ந்தருளி, அயன் வேந்தர்
சேனை தழுவ - வேற்று மன்னரின் படைகள் சூழ, வரும் பவனிக்கு ஒப்பு
ஏது - வருகின்ற திருவுலாவிற்கு ஒப்பாவது வேறுயாது, செப்புங்கால் -
சொல்லுமிடத்து, யானை மகளை மணந்து வரும் இளையோன் பவனிச்
செல்வமே - தெய்வ யானையாரைத் திருமணஞ் செய்து வருகின்ற முருகக்
கடவுளின் திருவுலாச் சிறப்பே, ஒப்பு - ஒப்பாகும் எ - று.

     எருத்தில் ஏறி வரும் பவனி யென்க; யானை யெருத்தில் ஏறி வரும்
சிங்க வேறு போல என இல்பொருளுவமை யாக்கலும் ஆம். செப்புங்கால்