(இ - ள்.) வெய்வேலை காளை அன்னான் தன்னையும் வேறு நோக்கி
- வெவ்விய வேற்படையை யுடைய முருகளை யொத்த புதல்வனையும்
தனியாக நோக்கி, ஐய - ஐயனே, இவ்வையம் தாங்கி நெடுநாள் அளித்தனம்
- இவ்வுலகினைச் சுமந்து நெடுங் காலம் ஆட்சி புரிந்தனம்; நீயும் - (இனி)
நீயும், இந்த மை அறு மனத்தார் சொல்லும் வாய்மை யாறு ஒழுகி - இந்தக்
குற்றமற்ற உள்ளத்தினை யுடையார் சொல்லும் உண்மை வழியே நடந்து,
செய்ய கோல் முறை செய்து ஆண்டு - செங்கோலால் முறை புரிந்து ஆண்டு,
திருவொடும் பொலிக என்றான் - செல்வத்தோடும் விளங்குக என
வாழ்த்தியருளினான் எ - று.

     வேறு நோக்கி - சிறப்பாக நோக்கி. நெடுநாள் அளித்தனம் என்றது
இனி நீ அளிக்க வேண்டு மென்னும் குறிப்பிற்று. முறை செய்தல் - நீதி
செலுத்தல். வாய்மையாறொழுகி முறை செய்து என்றது உறுதி யுரைத்தலும்,
திருவொடும் பொலிக என்றது வாழ்த்துதலும் ஆம். தன்னையும், நீயும்
என்பவற்றிலுள்ள உம்கைள் எச்சப்பொருளன. (64)

     (இ - ள்.) இச்சை தன்னால் - தனது இச்சையானே, இன் அருள்
படிவம் கொள்ளும் - இனிய அருளுருவம் கொள்ளா நிற்கும், ஈறு இலா
இன்ப மூர்த்தி - முடிவில்லாத இன்ப வடிவான சுந்தர பாண்டியனாகிய
இறைவன், பன் அரும் கணங்கள் எல்லாம் - சொல்லுதற்கரிய
கணங்களனைத்தும், பண்டைய வடிவமாக - முன்னைய வடிவமாக, தன்
அருள் துணையாய் வந்த - தனது அருட்டுணையாக வந்தருளிய, தடாதகைப்
பிராட்டியோடும் - தடாதகைப் பிராட்டியாரோடும், பொன் நெடுங் கோயில்
புக்குப் பொலிந்தனன் - பொன்னாலாகிய பெரிய திருக்கோயிலினுட் சென்று
விளங்கினன் எ - று.

     மேல், திருமணப் படலத்தில்,

என்றாராகலின், ஈண்டு அவர் பண்டைய வடிவமாயினரென்றார். இறைவனது
சத்தியே அவனுக்குத் துணையாகலின் ‘தன்னருட் டுணையாய் வந்த’ என்றார்.
புக்குப் பொலிந்தனன் - சிவலிங்கப் பெருமானை அதிட்டித்து விளங்கினான்.
இறைவன் கொள்ளும் வடிவிற்கு அவன திச்சையே காரணமென்பார் ‘இச்சை
தன்னால்’ என்றார்; பிறரால் உண்டாக்கப் படுபவன் அல்லனென்றவாறு.
அவன் வடிவம் அருளாதலை

என்னும் சிவஞானசித்தியா லறிக. (65)