(இ - ள்.) இன்னவாறு எழுந்த வேலை - இங்ஙனம் எழுந்த
கடலானது, மஞ்சு உறங்கும் இஞ்சி சூழ் நல் நகர் - முகில் உறங்கப் பெறும்
மதில் சூழ்ந்த நல்ல அம்மதுரைப்பதியின், குணக்கின் வந்து நணுகும் எல்லை
- கிழக்குத் திக்கில் வந்து நெருங்கு மளவில், அரை இரா - நடு இரவில்,
மன்னவன் கனாவில் - பாண்டி மன்னன் கனவில் கண், வெள்ளி மன்ற
வாணர் - வெள்ளியம்பலவாணர், சித்தராய் - ஒரு சித்த மூர்த்தியாய், முன்னர் வந்திருந்து - முன்னே தோன்றி, அரும்பு முறுவல் தோன்ற மொழிகுவார் -
அரும்புகின்ற புன்னகை தோன்ற மொழிகின்றார் எ - று.

     வாணர் : வாழ்நர் என்பதன் மரூஉ. மொழிகுவார், கு : சாரியை. (10)

     (இ - ள்.) வழுதி - பாண்டியனே, உன் தன் நகர் அழிக்க - உனது
நகரத்தை அழிக்கும் பொருட்டு, ஆழி வருவது - கடலானது வருகின்றது
(ஆதலால்), நீ வல்லை எழுதி - நீ விரைந்து எழுந்து, போதி - போய்,
வென்றி வேல் எறிந்து வாகை பெறுக என - வெற்றி பொருந்திய
வேற்படையை விடுத்து வென்றி பெறுவாயாக என்று கூற, காவலான் -
னலகினைப் பாதுகாத்தலை யுடைய உக்கிர வழுதி, தொழுத செங்கரத்தினான்
- கூப்பிய சிவந்த கைகளை யுடையனாய், துதிக்கும் நாவினன் - துதிக்கின்ற
நாவினையுடையவான், எழீஇ - எழுந்து, கழுது உறங்கு கங்குலின் கனா
உணர்ந்து - பேயும் உறங்குகின்ற நள்ளிரவில் தான் கண்ட கணவினை
யுணர்ந்து எ - று.

     எழுதி - எழுவாய்; போதி - போவாய்; இவற்றை எச்சமாக்குக. வாகை
- வென்றி யெய்தினோர் சூடும் மாலை; வெற்றியைக் குறித்தது. பெறுகென :
அகரடந தொகுத்தல். எழீஇ : சொல்லிசை யளபெடை. கழுதுமென்னும்
உம்மை தொக்கது. (11)

     (இ - ள்.) கண் நிறைந்த அமளியில் கழிந்து - கண்டுயின்ற
சேக்கையினின்றும் நீங்கி, வாயில் பல கடந்து - அரண்மனை வாயில்