நாளைக் கூறுதும்; தேளில் சிலையினில் ஆதல் - கார்த்திகை மாதத்திலாவது
மார்கழி மாதத்திலாவது, அன்றி - அல்லாமல், இரட்டிய தெரிசம் சேர்ந்த
மலமதி ஒழித்து - இரண்டு அமாவாசை சேர்ந்த மலமாதங்களை நீக்கி, மற்றை
மதியிலும் - மற்றைய மாதங்களிலாவது, முந்தை பக்கத்து - முற்பக்கத்தில்,
அலர் கதிர் வாரத்து - பரந்த கிரணத்தையுடைய ஞாயிற்றுக்கிழமையின், அல்
- இரவில், ஊண் அயின்றிடாது - உணவு கொள்ளாது, அயலின் துஞ்சா -
வேற்றிடத்தில் துயின்று எ - று.

     தேள் - விருச்சிகம் : சிலை - தனுசு; இவ்விராசிகளில் ஆதித்தன்
இருக்கும் கார்த்திகை மார்கழி மாதங்களென்க. இரட்டிய தெரிசம் -
இரண்டாகிய அமாவாசை. மலமதி - குற்ற முடைய மாதம். முந்தைப் பக்கம்
- பூர்வ பக்கம்; சுக்கில பட்சம். ஆயின்றிடா : ஈறுகெட்ட எதிர்மறை
வினையெச்சம். துஞ்சா : அயலிற்றுஞ்சி என்றார்; மனைவியுடன் துயிலாம
லென்பது கருத்து. வேறிடத்தில் துயிலாமல் என்று பொருளுரைப்பாருமுளர்.
(9)

     (இ - ள்.) வைகறை எழுந்து - விடியற் காலையில் எழுந்து, சேல்கண்
மணாளனை உள்கி - அங்கயற்கண்ணம்மையின் மணாளாராகிய சோமசுந்தரக்
கடவுளைச் சிந்தித்து, அற்றைச் செய்கடன் நிறீஇ - அன்று செய்ய வேண்டிய
கடன்களைச் செய்து முடித்து, காமாதி சிந்தை நீத்து - காம முதலிய
குற்றங்களை மனத்தினின்றும் நீக்கி, அலர் பொன் கஞ்சப் பொய்கையை
அடைந்து - மலர்ந்த பொற்றாமரை வாவியை அடைந்து, கையில் பவித்திரம்
புனைந்து - விரலில் பவித்திரம் தரித்து, வாக்கு மெய் கருத்து ஒருப்பாடு
எய்த - உரையும் உடலும் உள்ளமும் ஒன்றுபட, சங்கற்பம் விதந்து கூறி -
சங்கற்பம் சிறந்தெடுத்துச் சொல்லி எ - று.

     பரிதி யுதித்தற்கு ஐந்துநாழகையின் முன் எழுந்தென்க. சேற் கண்ணி
யென்பது சேற்கண் என நின்றது. பிராட்டியுனுஞ் சிந்திக்க வேண்டுமென்பது
தோன்றச் ‘சேற்கண் மணாளனை’ என்றார். காமாதி - காமம் வெகுளி
மயக்கம்; அறுவகைக் குற்றமுமாம். ஒருப்பாடு - ஒன்று கடல் : தொழிற்
பெயர். விதந்து கூறல் - சிறப்பு வகையாற் கூறல். (10)

     (இ - ள்.) கடம்பு அடி முளைத்த முக்கண் கரும்பினை - கடப்ப
மரத்தின் அடியிலே தோன்றிய மூன்று கண்களையுடைய கரும்பு போன்ற