(இ - ள்.) வில்வம் ஆயிரம் கொண்டு ஆயிர நாமம் விளம்பி -
ஆயிரம் வில்வங்களைக்கொண்டு ஆயிரம் திருப்பெயர்களையும் கூறி, நால்
யாமமும் சாத்தல் - நான்கு யாமங்களினும் அருச்சிக்கக் கடவர்; நல்ல ஐந்து
எழுத்தால் - நல்ல திருவைந்தெழுத்தினால், ஐந்து எழுத்து உருவின்
நாதனுக்கு அருக்கியம் கொடுத்தல் - அவ் வைந்தெழுத்தினையும்
உருவமாகவுடைய இறைவனுக்கு அருக்கியங் கொடுக்கக் கடவர்; எல்லைஇல்
மூல மந்திரத்தாலும் - அளவிறந்த மூலமந்திரங்களாலும், ஏனை
மந்திரங்களினாலும் - மற்றைய மந்திரங்களினாலும், வில் அழல் ஓம்பிப்
பூரணாகுதி செய்து - விளங்குகின்ற வேள்வித்தீயை வளர்த்துப் பூரணாகுதி
செய்து, ஈறு இலான் வேள்வியை முடித்தல் - முடிவில்லாத சோமசுந்தரக்
கடவுளின் வேள்வியை முடிக்கக்கடவர் எ - று.

     இறைவன் மந்திர வடிவமாதலை,

என்னும் சிவஞானசித்தித் திருவித்தங்களால் உணர்க. அருக்கியம் -
நீராற்செய்யும் ஒருவகை உபசாரம். வில் அழல் - வில் வடிவாகச் செய்த
குண்டத்தின் அழலுமாம். சாத்தல், கொடுத்தல், முடித்தல் என்பன
வியங்கோள். (25)

     (இ - ள்.) புலர்ந்தபின் - விடிந்தபின், நித்த வினை முடித்து -
நித்தியக் கடன்களைச் செய்து முடித்து, அரம்பை பொதுளும் பாசிலை
பதின்மூன்றில்-