(இ - ள்.) குறைத்தலை ஆடின - கவந்தங்கள் ஆடின; போர்க்களம்
அவிந்த - போர்க்களத்திற் போர் ஒழிந்தன; பாரிடம் பாடின - பூதங்கள்
பாடின; கூளிகள் விந்தைப் பாவை தாள் சூடின - பேய்கள் கொற்றவையின்
திருவடியை (முடியிற்) சூடின; பிணக்குவை சோரி சோர அண்டம் முட்ட பார்
மூடின - பிணக் குவியல்கள் குருதி ஒழுகாநிற்க வானை அளாவ நிலவுலகை
மூடின எ - று.

     குறைத்தலை - தலையற்ற உடல். போர் அவிந்ததனைப் போர்க்களம்
அவிந்தன வென்றார்; அவிதல் - அடங்குதல். விந்தையாகிய பாவை யென்க.
(49)

     (இ - ள்.) வெஞ்சின வலாரி - கொடிய சினத்தையுடைய இந்திரன்,
தன் வீரச்சேனைகள் துஞ்சின கண்டு - தனது வீரமுள்ள சேனைகள்
இறந்தனவற்றை நோக்கி, எரி சொரியும் கண்ணனாய் - அழல் சிந்துங்
கண்களை யுடையனாய், பஞ்சின முன் எரி எனப் பதைத்து - பஞ்சின்
முன்னே நெருப்பு (விரைந்து பற்றல்) போல் (சினம் விரைந்து பற்றப்)
பதைத்து, வஞ்சினம் தெய்வதப் படைகளால் மலைவது உன்னினான் - நெடு
மொழி கூறித் தெய்வத் தன்மையையுடைய படைக் கலங்களினால்
போர்செய்தலைங் கருதினான் எ - று.

     வலாரி - வலனுக்குப் பகைவன். துஞ்சின - வலி கெட்டன
என்னலுமாம்; தொழிற் பெயருமாம். வீரச்சேனை யென்றது இகழ்ச்சி யென்றும்,
வஞ்சினப் படைகள் என்றது வீரர் வஞ்சினங் கூறிப் பொருதலைப் படைகள்
மேலேற்றிய தென்றும் கொள்ளலு மாகும். மலைவது : தொழிற் பெயர். (50)