என்பது சிந்தாமணி. போர்க்கடல் என்றமைக் கேற்ப நீர்க்கடல் என்றார். மந்தேகா என்னும் ஒருவகை அரக்கர் ஆதித்தனுடன் பொருது அவன் தேரைத் தடுப்பர் என்று உருவக வகையாற் புராணங் கூறும். (8)

     (இ - ள்.) வள்ளல் - உக்கிர வழுதி, தன் குடைக்கீழ் தங்கும் உயிர்
பசிவருத்தம் எல்லாம் - தனது குடைநிழலிற்றங்கிய உயிர்களின் பசி வருத்த
மனைத்தையும், கொள்ளை கொண்டு இருந்த நெஞ்சில் - கவர்ந்து
கொண்டிருந்த உள்ளத்தினால், குளிர்முகச் செவ்வி குன்ற - குளிர்ந்த
முகத்தின் பொலிவு குறைய, தள் அரும் துயரில் மூழ்கித் தரையிடைத்
துயின்றானாக - நீக்குதற் கரிய துன்பக் கடலில் அழுந்தி நிலத்திலே கிடந்து
உறங்கா நிற்க, கனவில் - அவனது கனவின்கண். வெள்ளி மன்று உடையார்
சித்த வேடராய் வந்தார் - வெள்ளியம் பல வாணர் சித்த மூர்த்தியாய்
எழுந்தருளினார் எ - று.

     உயிர்களை யெல்லாம் காத்தற்கு விரையும் பேரருளுடைமை பற்றி
‘வள்ளல்’ என்றார். கொள்ளை கொண்டு - ஏற்றுக் கொண்டு.

என்ப வாகலின் ‘முகச் செவ்விகுன்ற’ என்றார். அணையின்றி வறிதாகிய
தரையிலென்க. (9)

     (இ - ள்.) அடல் கதில் வேலோய் - வெற்றியை யுடைய ஒளி
பொருந்திய வேற்படை ஏந்திய உக்கிரகுமார, இப்போது மாரி அரிது -
இப்பொழுது மழை பெய்தல் இல்லை (ஆதலால்), அதனை வேண்டி
இடர்ப்படல் - அதனை விரும்பி வருந்தற்க; வரைக்கு வேந்தாய் இருக்கின்ற
- மலைகட்கு அரசாக இருக்கும், எரி பொன் மேருத் தடப்
பெருவரையின்மாடு - விளங்குகின்ற பொன் வடிவாகிய மேரு வென்னும்
மிக்க பெருமையுடைய மலையின் பக்கத்தில், ஓர் தனிப்பெரு முழையில் -
ஒரு ஒப்பற்ற பெரிய குகையில், ஓர் எல்லை இல்லாக் கேடுஇலாச் சேம
வைப்பு இட்டுக் கிடப்பது - ஓர் அளவில்லாத அழியாத சேமநிதி
வைக்கப்பட்டிருக்கின்றது எ - று.

     இடர்ப்படல், அல்லீற்று எதிர்மறை வியங்கோள். தடப்பெரு;
ஒருபொருளிருசொல். இட்டு - இடப்பட்டு. ஓரெல்லையில்லா என்றது