செய்திழைத்த : ஒருபொருள் குறித்தனவுமாம். எட்டுறுப்பும் ஐந்துறுப்பும்
தோயப் பணிந்தென்க. (36)

     (இ - ள்.) அறத்துறை அந்தணாளர் - அறநெறியிற் பிழையாத
அந்தணர்களும், துறந்தவர் துறவிகளும், அரன் தாள் பற்றி புறத்துறை
அகன்ற சைவ பூதியர் - சிவபிரான் திருவடியைப் பற்றிக் கொண்டு புறமாகிய
நெறிகளின் நீங்கிய சைவப்பெருவாழ்வினரும், புனிதன் கோயில் திறத்துறை
அகத்துத் தொண்டர் - சோமசுந்தரக் கடவுளின் திருக்கோயிலிற் பூசனை
வகைகளை நடத்தும் அகத்தொண்டர்களும், திரண்டு எதிர் கொள்ள -
ஒருங்கு கூடி எதிர் கொள்ள, முத்தின் நிறத்துறை வையை நீத்து நெடுமதில்
வாயில் புக்கான் - முத்துக்களின் ஒளி விளங்கும் நீர்த்துறைகளை யுடைய
வையை யாற்றினைக் கடந்து நீண்ட மதில் வாயிலிற் புகுந்தான் எ - று.

     புறத்துறை - பாவநெறி;

என்னும் தமிழ்த் திருமறையுங் காண்க. பூதி - செல்வம். திறம் - நித்தம்
நைமித்திகம் முதலியன. (37)

     (இ - ள்.) கொங்கு அலர் கோதை மாதர் - மணம் பரந்த கூந்தலை
யுடைய மகளிர்; குங்குமம் பனிப்பச் சிந்தும் மங்கல மறுகின் ஏகி - குங்கும
நீரைக் குளிரச் சிந்திய மங்கல நிறைந்த வீதியிற் சென்று, மறைகள் சூழ்
கோயில் எய்தி - வேத ஒலி சூழ்ந்த திருக்கோயிலை யடைந்து, தங்கள்
நாயகனைச் சூழ்ந்து - தங்கள் தலைவனாகிய சோம சுந்தரக் கடவுனை
வலம்வந்து, தாழ்ந்து எழுந்து ஏத்தி - வணங்கி எழுந்து துதித்து, போந்து -
சென்று திங்கள் ஊர் குடுமிச் செல்வத் திருமணிக் கோயில் புக்கான் -
சந்திரன் ணிகள் இழைத்த (தனது) கோயிலை யடைந்தான் எ - று.

     கோதை - மாலையுமாம். (38)