என்னும் திருவாசகத்தானும் ஓர்க. ஏத்தி யென்பதனை இறைவனை
யென்பதனோடுங் கூட்டி யுரைக்க. முனிவோர், அகரம் ஓகாரமாதல்
தொல்காப்பியத்து உடம்பொடு புணர்த்தலாற் கொள்க. (13)

     (இ - ள்.) சீதளம் பளிக்கு மேனியும் - குளிர்ந்த பளிங்கு (மலை
போன்ற வெள்ளிய) திருமேனியும், செழுபளிக்கு பதித்த துப்பு அன்ன
பாதமும் - ஒளி நிறைந்த அப்பளிக்கு மலையின் அடியிற் பதித்த பவளம்
போன்ற திருவடிகளும், செவ்வாய் மலரும் - சிவந்த திருவாயாகிய தாமரை
மலரும், முக்கண்ணும் - மூன்று கண்களும், பங்கயச் செங்கரம் நான்கும் -
தாமரை மலர்போன்ற சிவந்த திருக்கைகள் நான்கும், வேத புத்தகமும் -
வேதத் திருமுறையும், அமுத கும்பமும் - அமுதம் நிறைந்த கலசமும்,
தன்விழி மணிவடமும் - உருத்திராக்க மணி மாலையும், மெய்ஞ்ஞான போத
முத்திரையும் - சிவஞானத்தைத் தெளிவித்தருளும் சின்முத்திரையும். தரித்தது
ஓத் தனிமைப் போதன் முன் - தரித்த ஒப்பற்ற தேசிகனாகிய
தட்சிணாமூர்த்தி திருமுன்னர், தாழந்து எழுந்து ஏத்தா - வணங்கி எழுந்து
துதித்து எ - று.

     வேத புத்தகம் முதலியவற்றை நான்குகையிலும் தரித்தவென்க. வேத
புத்தகம் என்பது சிவஞான போதத்தைக் குறிக்கும் என்பர் : பின்
இவ்வாசிரியரே,

என்றும் கூறுவர்; புத்தகம் தரித்தல் - சிவஞானத்தை யுணர்த்துவ தோர்
குறிப்புப் போலும். தன்விழி - உருத்திராக்கம். சின்முத்திரையின் பொருட்
குறிப்பானது.

என்று கச்சியப்ப முனிவரால் திருவானைக்காப் புராணத்தில்
உணர்த்தப்பட்டுளது. தரித்தது என்பதனைத் தரித்தவென எச்சமாகக் கொள்க.
தரித்த தாகிய கரம் நான்கும் எனக் கூட்டி யுரைத்தலுமாம். (14)