(இ - ள்.) திருவாய் சீதம் மணிமூரல் சிறிது அரும்ப - திருவாயிலே
குளிர்ச்சியும் அழகுள்ள புன்னகை சிறிது தோன்றவும், நாத முடிவாய் - நாத
தத்துவத்தின் முடிவாகியும், அளவு இல் நான்மறையின் அந்தம் -
அளவிடலாகாத நால்வேதங்களின் முடிவில், போத வடிவு ஆகி - ஞான
வடிவாகியும், நின்ற பூரண புராணன் - நிறைந்த பூரணத் தன்மையுடைய
பழையோனாகிய தட்சிணாமூர்த்தி, மாதவர்கள் காண எளி வந்து வெளி
நின்றான் - அம்முனிவர்கள் தரிசிக்கு மாறு எளிதின் வந்து வெளியே
நின்றருளினான் எ - று.

     எளிவந்து : ஒருசொல். நிறை பூரணம் - முழு நிறைவு. புராணன் -
முன்னைப் பழம் பொருட்கு முன்னைப் பழம்பொருளானவன். (23)

     (இ - ள்.) உவா வட்டம் வாள் மதி கண்டு ஆர்க்கும் கடல்மான
- உவா நாளிலே வட்டமாகிய ஒள்ளிய திங்களைக் கண்டு முழங்குகின்ற
கடலை ஒப்ப, மாண்ட சிட்டராம் முனிவர் - மாட்சிமைப்பட்ட
பெரியோராகிய முனிவர்கள், காளைத் தேசிக வடிவம் நோக்கி - காளைப்
பருவமுடைய ஆசான் வடிவத்தைக் கண்டு, ஒட்டு அறா உவகைவெள்ளம்
மேற்கொள - வற்றுதலில்லாத மகிழ்ச்சிவெள்ளம் மேலெழ, உருத்த கூற்றை
அட்ட தாமரை - வெகுண்டெழுந்த கூற்றுவனை உதைத்தருளிய திருவடித்
தாமரை, தம் சென்னிக்கு அணிமலராகத் தாழ்ந்தார் - தங்கள் முடிக்குச்
சூடும் மலராக வணங்கினார்கள் எ - று.

     உவாமதி கண்டார்க்கும் கடல் என மாறுக. சிட்டர் - பெரியோர்.
உருத்த - மார்க்கண்டியைச் சினந்த. கூற்றையட்ட என்னும் அடையால்
தாமரை திருவடியை உணர்த்திற்று. தாமரை அணி மலராக அதனை
வணங்கினார்கள் என்க. (24)

     (இ - ள்.) அளவு அறு கலைகட்கு எல்லாம் உறைவிடம் ஆகி -
அளவிறந்த கலைக ளெல்லாவற்றிற்கும் உறையுளாகி, வேத விளைபொருள்
ஆகி நின்ற வேதிய சரணம் என்று - வேதங்களில் விளையும் பொருளாய்
நின்ற வேதியனே அடைக்கலம் என்ற, வளைவு உறு மனத்தினாரை -
வணக்கம் பொருந்திய மனத்தையுடைய முனிவர்களை, வளளல்
தேசிகள்நோக்கி - அருட்கொடையையுடைய குரவன்நோக்கி, பளகு அறு
தவத்தீர் - குற்றமற்ற தவத்தினையுடைய முனிவர்களே, வேட்கை யாது

     (பா - ம்.) * வட்டவான். +உவர்க்கடல்.