மனைவியையும் உளப்படுத்தி ‘மின்னனாருள்’ என்றார். பொன்னனார் காமக்
கிழத்திய ரென்பதனைப் பின் ஏழாஞ் செய்யுளிற் கூறுவதானறிக. ஐம்போகம்
- ஐம்புல இன்பங்கள்;

என முப்பானூல் கூறுவது காண்க. ஐந்து போகம் விளையும் நிலம் போல்
ஐந்து போகமும் விளையும் கிழத்தியர் என நயம் படக் கூறினார்; நிலத்திற்கு
ஐம்போகமாவது ஆண்டொன்றில் ஐந்து முறை விளையும் விளைவு. பயிருக்கு
மாறாக வளர்கின்ற வென விரிக்க. தருக்கி வளர்ந்தாரென்பார், ‘வீறினார்’
என்றார். புத்தே ளென்ன அழகிற் சிறந்தும், களையென்ன மாறாகியும்
வளர்ந்தா ரென்க. (2)

     (இ - ள்.) பின் - பின்பு. அரும் பெறல் குமரனைப் பெறுவது கருதி
- பெறுதற் கரிய பண்புடைய மகனைப்பெறுவது குறித்து, மன்னனும்
குலத்தேவியும் - அரசனும் அவன் குல மனைவியும், கயற்கணி மணாளன்
தன்னை நோக்கி - அங்கயற் கண்ணம்மையின் மணவாளனாகிய
சொக்கலிங்கப் பெருமானை நோக்கி, அட்டமி சதுர்த்தசி மதி வாரம் இன்ன
நோன்பு நோற்று ஒழுகுவார் - அட்டமி நோன்புசதுர்த்தசி நோன்பு சோமவார
நோன்பு ஆகிய நோன்புகளை அனுட்டித்து ஒழுகுவாராயினர்; இறைவன் இன்
அருளால் - இறைவனது இனிய திருவருளால் எ - று.

     அரும் பெறற் குமரன் - குரமனைவி வயிற்றுப் பிறந்த அரசாளு
தற்குரியனாகும் பண்புடைய புதல்வன். பெறலரும் என மாறுக. குலத்தேவி
- முறைப்படி மணந்த பட்டத்து மனைவி. அட்டமி முதலிய வற்றோடு
நோன்பு என்பதனைக் கூட்டுக. நோன்பு நோற்றொழுகு வார் என்றமையால்,
நெடு நாளாகியும் மனைவி வயிற்றுப் புதல்வன் பிறந்திலன் என்பது
தெளிவாகின்றது. (3)

     (இ - ள்.) சிறிதுநாள் கழிந்து அகன்ற பி - சில நாட்கள்சென்று
நீங்கிய பின், கங்கையில் சிறந்த மறுவுஇலா வடமீன் புரைகற்பினாள்
வயிற்றில் - கங்கையினுஞ் சிறந்த தூய்மையுடைய குற்றமில்லாத
அருந்ததிபோலும் கற்பினையுடைய அத்தேவியின் வயிற்றிலே, குறிய ஆலம்
வித்து அங்குரம் போன்று - சிறிய ஆலம் வித்தில் தோன்றிய முளைபோல,
நிறையும் நீர் உலகு குடை நிழற்ற ஒரு குமரன் வந்து உதித்தான் - கடல்
சூழ்ந்த