என்னும் நூற்பாக்களாலும் அவற்றுள் மிக்க குற்றம் நான்கு எனவும்.

என்பதனால் வயிரத்தின் குணம் ஐந்து எனவும் அறியப்படுகின்றன. (59)

     (இ - ள்.) குறுநிலத்து அரசும் தாங்கின் - குறுநில மன்னனும்
(இதனை) அணியில், குறைவுதீர் செல்வம் எய்தி - குறைவற்ற செல்வத்தை
அடைந்து, உறுபகை எறிந்து - மிக்க பகைவரை அழித்து தன்கோல் உலகு
முழுதும் ஓச்சிக் காக்கும் - தனது செங்கோல் உலக முழுதுஞ் செல்ல
நடாத்திக் காப்பான்; வறுமை நோய் விலங்கு சாரா - (அவ்வரசனை வருத்த)
வறுமையும் பிணியும் விலங்குகளும் அடையாவாம்; வரைந்த நாள் அன்றிச்
செல்லும் கறுவுகொள் கூற்றம் - வரையறுத்த நாளிலல்லாமல் இடையில்
வரும் சினங்கொண்ட கூற்றமும், பூதம் கணங்களும் அணங்கு செய்யா -
பூதங்களும் பேய்களும் துன்பம் செய்யமாட்டா எ - று.

     உறு - மிக்க : உரிச்சொல்; உறுகின்ற பகையென வினைத்
தொகையுமாம். முழுது - எஞ்சாமைப் பொருட்டு. உலகு முழுதும் என மாறுக.
கூற்றமும் பூதமும் என உம்மை விரிக்க. அணங்கு - வருத்தம். (60)

     (இ - ள்.) நூலோர் - மணி நூலாராய்ச்சி வல்லுநர், மாமணி மரபுக்கு
எல்லாம் வயிரமே முதன்மைச் சாதி ஆம் என உரைப்பர் - பெருமை
பொருந்திய மணிகளின் மரபுகளுக்கெல்லாம் வயிரமே முதற் சாதியாம் என்று
கூறுவர்; அதிகம் யாது என்னில் - அம் முதன்மை எதனாலென்னில், அ
தூமணி - அந்தத் தூய்மையுடைய வயிரமணி, ஏனை காமரு மணிகட்கு
எல்லாம் தமர் இடு கருவியாம் - மற்றைய விருப்பம் பொருந்திய
மணிகளனைத்திற்கும் தொளையிடுங் கருவியாகும் (அன்றி), தனக்குத் தானே