அரையினின்றும் தவறி வீழ்ந்து ஒரு கடல் சூழ்ந்த நிலத்தில் உதித்த விதம்
ஒன்றாம்; இன்னும் ஒரு வகையால் தோற்றம் உண்டு - இன்னும் ஒரு
வகையினாலும் தோற்றம் உண்டு எ - று.

     வினதை : தக்கன் புதல்வி; காசிபன் மனைவி; அருணனுக்கும்
கலுழனுக்கும் தாய். அருணச் செல்வன் - அருணனாகிய புதல்வன்.
வைப்பில் வீழ்தலால் உதித்த வாறாகும் என்க. (63)

     (இ - ள்.) முள் அரை முளரிக் கண்ணன் - முட்கள் பொருந்திய
நாளத்தினையுடைய தாமரையின் மலர்போலும் கண்களையுடைய திருமால்,
மோகினி அணங்காய் ஓட - மோகினிப் பெண் வடிவாகி ஓட, வள் அரை
மதியம் சூடி - அழகிய பாதி மதியினைச் சடையிற் சூடிய சிவபெருமான், ஒரு
விளையாட்டால் - ஒரு திருவிளையாட்டாக, மந்தர வரை மட்டு ஆக -
மந்தரமலையின் எல்லையளவாக, துள் அரி ஏறு போலத் தொடர்ந்து சென்று,
எள் அரிதாய செந்தீ இந்தியக் கலனம் செய்தான் - பழிப்பில்லாத சிவந்த
தீயாகிய இந்திரியத்தைச் சிந்தினான் எ - று.

     மதியம், அம் : சாரியை. சூடி - அணிந்தவன்; இ : வினை முதற்
பொருள் விகுதி, காமனை முனிந்த கண்ணுதற் பெருமான் இங்ஙனம் புரிந்தது
ஒரு விளையாட்டே என்றார். இறைவனுக்கு இந்திரியமாவது செந்தீ என்பது
நூற் கொள்கை. (64)

     (இ - ள்.) அப்பொழுது அமலவித்தில் அரிகர குமரன் -
அக்காலையில் தூய அவ்விந்தில் ஐயன் என்பான், கான வைப்பு உறை
தெய்வத்தோடும் வந்தனன் - காட்டிலுறையும் பரிவார தெய்வங்களோடும்
வந்தனன்; அந்த விந்து - அந்த விந்தினை, துப்பு உறு கருடன் கௌவி -
வலமிக்க கருடன் கௌவி, கடலினும் துருக்க நாட்டும் பப்பு உற
விடுத்தவாறே - கடலிலும் துருக்க நாட்டிலும் பரவ விடுத்த வழியே, கலுழப்
பச்சை பட்டது - கலுழப் பச்சை தோன்றியது எ - று.

     வித்து - விந்து. அரிகர குமரன் - திருமாலுக்கும் சிவனுக்கும் பிறந்த
புதல்வன்; ஐயனார்; மகா சாத்தா. பப்புற - பம்புதலுற. ஐயனார் தோன்றிய
வரலாறு,