(இ - ள்.) ஆலை எந்திரங்கள் - ஆலையாகிய எந்திரங்கள்,
இரும்பின் அன்னதோள் - இரும்பையொத்த வலியதோள்களையுடைய,
வினைஞர் ஆர்த்து - மள்ளர்கள் ஆரவாரித்து, எறிந்து - தறித்து,
வாய்மடுக்கும் - (தமது) வாயிற் கொடுக்கின்ற, கரும்புதின்று - கரும்புகளை
நெரித்து, இடி ஏற்று ஒலிகாட்டி - இடியேற்றின் முழக்கத்தைத் தோற்று
வித்து, சுரும்பு சூழ்கிடந்து அரற்றிட - வண்டுகள் சூழ்ந்து கிடந்து ஒலிக்க,
இன்சாறு சொரிந்து - இனிய சாற்றைப் பொழிந்து, வெம்சினத் தீ அரும்பு -
வெவ்விய வெகுளித் தீ உண்டாகின்ற, கண் களிறு ஒத்தன -
கண்களையுடைய யானைபளை ஒத்தன எ - று.

     களிற்றுக் கேற்ப வினைஞரென்பதற்குப் பாகரென உரைத்துக் கொள்க.
ஆலை கரும்பு தின்றலாவது கரும்பினை நெரித்தல். ஏனைய களிற்றுக்கும்
ஆலைக்கும் பொது. ஆலை - கரும்பினைச் சாறு பிழியும் பொறி:
ஆலையாகிய எந்திரமென இருபெயரொட்டு. இரும்பினன்ன : சாரியை நிற்க
உருபு தொக்கது. (11)

     (இ - ள்.) பள்ளம் நீர்குடைந்து - ஆழமாகிய நீரில் மூழ்கி, அம்
சிறை - அழகிய சிறைகள், பாசிபோர்த்து - நீர்ப்பாசியினாற் போர்க்கப்
பட்டு, எழுந்த வெள்ளை அன்னத்தை - மேலெழுந்த வெள்ளிய
அன்னச்சேவலை, கார் அனம் என - காகமெனக் கருதி, வீழ்ந்த உள்ளம்
மீட்டு - விரும்பிய உள்ளத்தைத் திருப்பிக்கொண்டு, பெடை அலமர -
அன்னப்பேடு சுழலா நிற்க, சிறகு உதறி - (அவ்வன்னச் சேவல்) சிறைகளை
விதிர்த்துப் (பாசிகளை வீழ்த்தி), உள் அன்கொள்ள உளத்தில் அன்பு
நிறைய, ஆசையின் - ஆசையால், தழீஇக்கொடு - (அவ்வன்னப் பேட்டைத்)
தழுவிக் கொண்டு, குடம்பை சென்று அணையும் - கூட்டினுட் போய்ச்
சேரும் எ - று.

     பாசி - பசுமையுடையதெனக் காரணப் பெயர். போர்த்து -
போர்க்கப்பட்டு, எருமையைக் காரான் என்பதுபோலக் காகத்தைக்
காரனமென்றார். கரிய அன்ன மென்பாருமுளர். வெள்ளை கருமை என்பன
முரண். எனக் கருதி மீட்டென்க. அங்குள்ள பறவைகளும் கற்பு
நெறிப்பட்டன என்றார். வீழ்ந்த என்னும் பெயரெச்சம் வினை முதற்
பெயர்கொண்டது. (12)

     (இ - ள்.) இரவி - சூரியனின், ஆழி ஒன்று உடைய தேர் - ஓர்
உருளையையுடைய தேரை, ஈர்த்து எழும் - இழுத்துச் செல்லாநின்ற,

     (பா - ம்.) * நீர்க்குடைந்து. +காரண்டம். +கரவிலா.